«Gagauz ustası» master- klas geçti Komrat kasabasının uşak bibliotekasında. Ona katıldılar 4-cü klasın üürenicileri hem gagauz dili üüredicisi Anna Sukman. Master- klası geçirdilär ustacılar Mariya Arnaut hem İrina Piron.
Ustacılar gösterdilär uşaklara, angıları master- klasa katıldılar, nicä natural materiallardan, ölä nicä yapaa, yapmaa kaliteli iplikleri, angılarını sora var nasıl kullanmaa türlü işlerin yapmasında.
«Örüyerim çoktan da bunu severim, ama genç analar-bobalar giderlär da hepsini satın alerlar. Bendä hem güzün hem kışın işim var, çorap örüyerim. Da söleycam, ani karılar istämeerlär yapaa çorap, taa sık adamnar da onnar isteerlär evyapaadan taşımaa işleri»,- nışannadı İrina Piron.
Master- klasın neeti- uşakları natural hayvan malınnan tanıştırmaa hem göstermää ondan yapılan giimneri, halk el zanaatlarına sevgiyi terbietmää, nışannadı bibliotekacı Svetlana Stoyanioglo: «Korumaa deyni bizim halkımızın adetlerini hem tradiţiyalarını, saymaa onnarı hem gençleri tanıtmaa onnarnan. Bunun için da peydalandı bölä bir fikir «Gagauz ustaları» master klası geçirmäk için».
Olayın süresindä uşaklar annadılar dokumak kolaylıkları için hem türlü instrumentlär için, angılarını bu uurda kullanerlar ustacılar. Onnar annattılar bütün proţes için nicä hazırlaner yapaa da nicä iplik yapıler. Da bölä master-klaslar lääzımnı üürenicilär için, nışanandı gagauz dili üüredicisi Anna Sukman.
Master klasın pay alannarında vardı kolaylık kendi ellerinnän yapaa ditmää hem iplii saarmaa. Hem da üürenmää nicä bu ustacılık ilerlärdi hem diişärdi.
«Biz geldik bu olaya. Burada gördük nicä iplik yapıler yapaadan, nicä onu saarerlar hem türlü predmetleri ipliklerdän».
«Büün bänb annadım nicä bizim dedelerimiz hepsini kendileri yapardılar- çorapları, yorgananrı, hepsini yapaa ipliktän».
Bölä master klas geçti Komrat kasabasının 9-cu uşak başçasında, neredä uşakları tanıştırdılar halk yaradıcılıınnan.
Moldovanın hem Gagauziyanın en mekalı haberleri GRTnın Telegram kanalında!