Dezgincä küüyün öndercilii 2025 yıla kararladı proektleri, ki küüdä infrastrukturayı ilerletmää hem yaşayannarın yaşamasının kalitesini kaldırmaa.
Dezgincä küüyü yaşayannarın komunal koşulları kalitesini kaldırmaa – buydur erli kuvetlerin baş neeti 2025 yıla. Burada neetlenerlär gübürleri çeşitlerä görä ayırı toplamaa. MȆ IMPLIC proektindä üç küü pay alȇr: Dezgincä, Bucak hem Çanak, söleer primar Vasiliy Kapsamun. Bundan kaarä, plastii baskıdan geçirip, toplayaceklar.
«Biz taradık grantı 250 bin şveyţar frankını. Küüdä plastik baskı tertibini koyacez, angıları üç küüdä toplanacek. Hazırlayacez yapıyı, nereyä onnarı toplayacez»,- dedi primar.
Dezgincä küüyündä kaliteli komunal koşulları hem infrastrukturayı ilerletmäk proekti 2022-ci yıldan geliştiriler.
«Proektin neeti – küülerin ȇkologiya durumunu üüseltmää hem infrastrukturayı taa üüsek uura çıkarmaa» ,- nışannadı Vasiliy Kapsamun.
«Klimatın diişilmeklerinä kaavi durmak» proektin uurunda küüyün öndercilii kararladı başka soy proektleri dä. 30 bin dolarlık proekt güneş panellerini suyu çekän skvajınalarda koymaa doorudulacek. Küüyä deyni taa bir önemni proekt – uşak başçasında örtünün enilenmesi hem binayı dışanından sıcaa korutmak materialınnan sarmak»,- ekledi o.
Vasiliy Kapsamun küülülerin hem erli nasaatın tutturmasını proektlerin geliştirilmesindä belli etti.
Moldovanın hem Gagauziyanın en mekalı haberleri GRTnın Telegram kanalında!