Moldova devletin üstiţiya ministerlii açıkladı ön çıkışları korupţiya hem kanon bozulmakların güreşmesindä. Soruşun baş temasınnan oldu reformalar, angıları doorudulu prokuratura işin taa faydalı yapsına.
Moldova devletin üstiţiya ministrusu Veronika Mihaylov- Moraru urguladı, ani güreşmäk korupţiyaylan hem kanon bozulmaklarınnan önemni insananrın inanmak soruşlaırnda hükümetä hem devlettä durumun taa ii yapmasında. O açıkladı ne türlü eni iniţiativalar var kolay yardımcı olsunnar hak sistemasına hem da korusunnar Moldovanın geleceeni, neçin ölä önemni güreşmää korupţiyaylan da nicä devletin durumunda bu gösterilecek.
«Moldova devletindä bu modelin kullanması verecek kolaylık maasuz prokuraturaları birleştirmää tek bir kurumuna, angılarında olacȇk ikişär bölüm prokurorlarlan, da onnar açıklayacȇklar o materialları, angıları var prokuraturalarda»,- Veronika Mihaylov- Moraru urguladı.
Açıklayarak olayları korupţiya hem kanon bozulmakların güreşmesindä üstiţiya ministrusu sıraladı o devletleri, ölä nicä Horvatiya hem Albaniya, angıları şansora kullanȇrlar faydalı modelleri korupţiya güreşmesindä da onnar gösterdilär ii çıkışları. Ministru urguladı, ani onnarın örnekleri var kolay Moldova için da faydalı olsunnar, da ne türlü adımnarı lääzım yapmaa ki hak sistemasına devlettä optimizaţiya yapmaa.
«Bu modelleri vardı nicä kullanmaa bizim devletimizdä, alarak esaba insanın sayısını hem dava işlerini. Bu kurumnar kaarışık speţalizaţiyasınnan , angıları zanaatlanaceklar hem korupţiyalan güreşmektä hem kanon bozulmakların araştırmasında»,- ministru urguladı.
Üstiţiya ministrusu urguladı, ani korupţiyalan güreşmäk bu diil sade haydutluklan güreşmäk, ama önemni bir dava, angısı doorudulu devletin geleceenä. Onun laflarına görä hepsi hükümetin zaametleri doorudulu olaceklar hak sistemasının faydalı hem kaavi kurulmasına, angısı cuvap edecek zamandaş koşullarına.
«Bizdä var kolaylık kurmaa taa kaavi hem taa ii kurumu ki bu soruşlara cuvap etmää. Biz isteeriz ki herbir olay korupţiyaylan baalı herbir devlet korumak kuşkulluu taa hızlı hem profesional açıklansın. Kabaatlılar da cuvaplaa çekilsinnär»,- ministru urguladı.
Teklifleri anılarını üstiţiya minsitrusu açıkladı verildilär parlamentä bakmaa ki hepsi taraflar kabletsinnär lääzımnı kararı.
