100-dän zeydä Gagauziya, Prednistroviye regionun, Kişinöv resimcilerin yaratmaları regional galereyasında gösterili.
İlkyaz renkleri, tabiatın diişmekleri, duyguları talantlı resimcilerin yaratmalarında dökülü. Resim galereyasında sıcak atmosfera, angısında ince zaanatı sevän insannar bulundular.
«İlkyaza adalı serginin resimnerindä mutlaka karıların derin maanalı yaratmaları erleştirili, onnar resimcilerin can sıcaklıını açȇrlar».
«Bu sergidä Prednistroviye hem Gagauziya resimcilerin yaratmaları var. Sevinerim, ani kolaylık var çalışmalarımızı göstermää».
«Sıcak hem sevgili atmosfera burada. Kısmetli gözlü karılar.Bu serginin maanası».
Yaratmalarda karıların bakışları yaşamaya, tabiata, duygulara. Unikal patretlär, çiçeklär, açık göklär, meyvalıklar ilkyazın gözelliini açıklȇȇrlar.
«Bän Çadır-Lunga kasabasında duudum,yaşȇȇrım Pridnestrovyedä. Sevinerim, ani katıldım sergiya. Çok eni ayratma gördüm».
«31 resimci. Bu çok ii. Herkezini teklif ederim gelmää da görmää».
Serginin payalannarı duygularэnnan hem unikal yaratmalarэnnan musafirleri tanıştırardılar.
«Resim galereyasına getirdim ikonaları,angılarını yazdım.Bu sergidä göstererim onnarı ,insan görsün yaratmaları,angıları kanonnara görä yazılı,da kaldılar bizä eveldän».
«Sevinerim, ani aramızda çok talantlı karılar var,ani yıl yıldan serginin payalannarı zeedelener. Halklararası karıların gününnän kutlȇȇrım hepsini».
İlkyaz resim sergisi mart ayın sonuna kadar çalışacek.
Moldovanın hem Gagauziyanın en mekalı haberleri GRTnın Telegram kan0alında!