G.Sırtmaç adına gimnaziya-uşak başçasında ustacılık zanaatına adalı oluş geçirildi. Meropriyatiyanın neeti-gagauz halkın millet kulturasını , el zanaatlarını ana dilini uşaklarda ilerletmää.
Halk ustaların el işleri milletin kulturasının korunmasında önemli rolü oynȇȇrlar. Onnar diil sade ev donakları, el işleri ev avadannırklarıydır. Çadır-Lunga kasabasının halk ustalarınnan cannı buluşmak G.Sırtmaç adına gimnaziya-uşak başçasında geçti.
«Pek önemli, ki şindi evlad boyumuz ustcılık zanaatlarını bilsinnär. Bekim bizim işlerimizi gördüktän sora, mereklanaceklar el işlerinnä».
«İsteeriz uşaklarımıza annatmaa hem annatma bizim zanaatlarımız için. Halk ustacılıını lääzım diriltmää, ilerletmää hem yaşatmaa».
«Вenim zanaatımda el dikmekleri, perdä dikişleri, çarşaflar hem yastıklar. Bundan kaarä, stendta işlerimi göräbilirsiniz».
Evlad boyuna deyni halk ustacılıı terbietmäk hem üüretmäk rolünu oynȇȇr. G.Sırtmaç adına gimnaziya-uşak başçasında gagauz dilindä oluşlar her ay geçirilerlär, söleer gagauz dili üüredicisi Elena Angeli:«Bizin statuslu halk ustalarımız var. onnarı lääzım tanıştıralım, el işlerini gösterelim».
Üüretim kurumnarı tematikalı oluşları gagauz dilimizin ilerletmesindä üüretim bakannıın uurundan verilän programasına görä geçirer, söleer direktor Mariya Konstantinova: «Uşaklarımızı ana dilinin üüredilmesinä küçüktän alıştırȇrız».
Oluşun sırasında ustalar kendi el işlerini gösterdilär, zanaatları için annattılar. Programa gagauz dilindä götürüldü, türkülär, avalar gagauz dilinä adandılar.
Moldovanın hem Gagauziyanın en mekalı haberleri GRTnın Telegram kanalında!