Komradın AXIS gençlik merkezindä Halk muzika hem oyun festivali geçti. Olayın neeti – halk oyunnarını hem türkülerini gençlerin aralarında yaşatmaa, evlad boyların hem büüklerin aralarında kultura baalantılarını kaaviletmää. Programada genç hem profesional artistlär, kim halk muzikasınnan, oyunnarınnan ulaşȇrlar pay aldılar.
Halk muzika, instrumental hem oyun nomerleri festivaldä gösterildi. Devletimizdä yaşayan türlü halkların folklor türkülerin hem oyunnarın kultura unikallıı sţenadan gözledilärdi. Herbir nomer ȇnergiyaylan, şıralı giimnärlän, halkların harakterinnän soluyardı, söledi AXIS gençlik merkezin administratoru Dmitriy Furtuna.
«Gençlerin var sorumnuu konţertlerdä. Biz savaştık bu kolaylıı onnara vermää. Sţenada onnar talantlarını, becermeklerini gösteräbildilär. İlk alındı o türkücülär hem oyuncular, angıları çok hazırlanmakları götürerlär. Onnarda az kolaylık kendi yaradıcılıını göstermää veriler»,- nışannadı Furtuna.
Halk kulturasını sţenada genç kolektivlär gösterdilär. Muzikacılık, türkülär, oyunnar yaşȇȇrlar zamandaş dünnedä, belli etti muzikacı İvan Jeleznıy.
«Komrat muzika okulun üürenicileri, gençlik merkezin orkestrusu, «Altın çöşmä» halk oyun kolektivi festivaldä pay aldılar. Bizim gençlerimiz halk muzikasını ilerletmää çalışȇrlar. Bän, nicä üüredici, sevinerim, ani devletin üülen tarafın uşakları, dooru yoldan giderlär. Kultura zamandaş vakıtta halk paalılıklarını korudȇr»,- çizgiledi İvan Jeleznıy.
Halk kulturasının yaşadılması hem korunması gençlerimizlän — büük bir adım halkların millet varlıın ilerlemesindä.
Avtor: S. Dimitroglo, operator: S. Georgiev, montaj: M. Kazaku