Moldovanın Konstituţiya Davası saydı kanona karşı GHT kolaylıklarını teklif etmää Prokurorların Üüsek Nasaatına kandidatları Gagauziyanın prokuraturanın başın görevinä.
Prokurorların koyulmasının proţeduraları lääzım uysunnar hak bazasına hem olsun bu iş politika karışmaklarsız, angısı baamsızlaa bu iştä var nicä dolaştırsın, urguladı Konstituţiya daavasının başı Domnika Manole brifingta,angısı geçti oturuştan sora.
«Konstituţiya davası kararladı,ani GHT kolaylkları pay almaa prokurorların ayırmasında, bozȇrlar prokuratura avtonomiyasını, Prokurorların Üüsek konstituţiya nasaatın kuvetlerini hem vererlär zeedä kuvet, angılarını belli eder maasuz hak statusu»,- urguladı Domnika Manole.
GHT dooruttu Konstituţiya Davaasının başına danışmayı, neredä belli etti istemekleri ki GHT viţe-spikerı G.Leyçu kolverilsin pay almaa oturuşlarda. Taa illeri, kanon normalarına görä, Gagauziyanın baş prokurorun görevinä kandidatın belli etmesi hem onun koyulması yapılardı GHT temsil etmesinnän.
«Lääzım okumaa, ne onnar yazdılar,da sora soleyecez ne illeri yapacez. Bir isteerim sölemää,biz duyardık,ani onnar diil o yoldan giderlär, da biz yazdık herbiz büük elçiya, Evropa nasaatına, hereri yazdık, kiyat yolladık.Söledik, neçin diil lääzım bunu bakmaa, neçin deyni bozarsaydı bizim kanonu, o bozacek te o işleri,ani 31 yıl geeri biz kablettik, barabar yaşȇrız uygun»,- GHT viţe-spikerı Georgiy Leyçu nışannadı.
Daava uzmannarı belli ettilär,ani kuvedi kaybettilär Maasuz hak satusun kanonun 21 statyası, hem Prokuratura kanonun 25 statyanın 3-cü punktu hem 26 statya, angıları verärdilär GHT hak pay almaa Gagauziyanın genel prokurorun ayırmasında. Konstituţiya Davaasının kararı bitki,da kuvedä girecek ondan sora, nicä onu tiparlayaceklar Ofiţial monitorda.
Moldovanın hem Gagauziyanın en mekalı haberleri GRTnın Telegram kanalında!