GagauziyaLand parkı Gagauziya hem Moldovanın üülen tarafın yaşayannarına deyni kış zamanını açtı. Haliz yortuyu herkezi, kim geldi duydu.
Dinnenmäk parkında kış zamanını açmaa deyni Kongazda büük çam aacı donadıldı, buz kaygancaa açıldı, atrakţionnar çalıştırıldılar hem yortulu konţert hazırlandı. Gagauziya başkanı Evgeniya Guţul oluşun önemliini regionun ilerlemesinä deyni belli etti.
«Bu erdä yarım yıl taa ileri boşluktu. Şindi sä bölä gözellik oldu. Büünkü yortuyu küçüündän büünädän hazırladık»,- nışannadı Başkan.
HT başı Dmitriy Konstantinov yortu havezini yaşayannarımızlan birliktä duydu.
«Biz enidän sizinnän Gagauziyanın bu gözäl erindäyiz. Birliktä kışı karşılȇȇrız»,- söledi GHT spikeri.
Parlament deputatı Aleksandr Suhodolskiy regionun kulturasının ilerlemesini belli etti.
«Hepsi yaşayannarı hem musaafirleri Gelän Eni Yıl, Kolada yortularınnan kutlȇȇrım. Usluluk, saalık herbirinä dileerim!»,- nışannadı Suhodolskiy.
Avtonomiyanın yaşayannarı dinnenmäk parkına Eni yıl zamanının açılışını geldilär kutlamaa.
Eni Yıl havezini Gagauziya artistleri, Moldova ȇstrada türkücüleri hem aşırıdan artistlär geldilär duymaa. Dinnenmäk parkın açılışında yakın 20 bin insana katıldı.
