Moldovanın Üüretim ministerlii nışannȇȇr, ani etişmeer devlettä, nekadar lääzım üüredici. Bitki haberlerä görä, üüretim merkezlerdä etişmeer 1 879 pedagog. En pek sorumnu «Matematika»,«Yasla pedagogika» zanaatları.
«Bizdä avtonomiyada etişmeer yakın 100 üüredici. Taa çok matematika hem fizika derslerindä.Ama bakmayarak problemnerä, her yılın savaşȇrız kurmaa üüretim-terbi etmäk proţesini dä hepsi disţiplinalar bütündän okunȇrlar. Bu olȇr ondan, ani matematika derslerin üüredicilerindä zeedä iş var»,-üürerim bakanı Natalya Kristeva açıkladı.
Nicä urguladı Natalya Kristeva, bakmayarak üüredicilerin yoksuzluuna, üüretim merkezlär götürerlär üüretim proţesini bütündän, ama çoyu üüredicilerä sıra geler almaa taa zeedä saat.
«18 saadın erinä bir aftada 32 saada kadar bir aftada üüredici okuyȇr. Bu çok zor, onuştan da isteeriz eni üüredicilär gelsinnär»,- Natalya Kristeva nışannadı.
Moldovanın üüretim sistemasına her yıl geler 200 genç uzman, onnarın sayısından 40 avtonomiyanın üüretim merkezlerinä girerlär işlemää, onnar için ii çalışmak koşulları kurulȇrlar, urguladı Natalya Kristeva.
«Herzaman eni üürediciyä koyulȇr başka öoktan işleyän üüredici, angısı yardım eder yolun çeketmesindä ilk etaplarda.Üüretim bakannıda da çalışȇr «Genç üüredicii okulu», «Genç terbi edicinin okulu».Orada toplȇȇrız onnarı,da zorluklarını annȇrız ,angılarınnan onnar karşılaşȇrlar çalışmakta hem savaşȇrız onnarı tutturmaa hem desteklemää.Devlet tä giriştirer kolaylıkları stimul vermää deyni gençlerä pedagogikaya katılsınnar»,- ekledi bakan.
Moldovada şindiki zaman 2 bin üüredici etişmeer.
