Valkaneş dolayın yaşamak erlerindä geçti yortulu kutlamaklar. Gagauziyanın kurucularına medalileri verdilär baalı Avtonomiyanın 30-cu yıldönümünä.
Kırbaalı küüyündä o yıllarda olayların pay alıcısı Valentina Dermenji kendi düşünmeklerini açıkladı.
«Pek sevindim kabletmää bu ödülü, neçinki 30 yıl geeri geçti olaylar, açan Gagauziya kendi devletliini korudu Moldovanın içindä. Bän da, nicä pay alannarın birisi, sevindim kabletmää medaliyi»,- Gagauziya kurucuların biri Valentina Dermenci söledi.
Tülü küüyündä hep ölä nışannadılar Gagauziya kuruluş veterannarını. Onnar akılına getirdilär o vakıtları, angıları gagauz istoriyasında onemni eri kaplêêrlar. Onnarın birisi Nikolay Pançev : «Küüdä geçirärdim işleri öndercilerin Belçev Nikolayın hem Buyuklı Nikolayın izinnerinä görä. Onnar haliz bulundular hererdä hepsi olaylarda taa Gagauz Eri olunca».
Çeşmäküüdä «Gagauziya 30 yıl» medalilerini kabletti 49 kişi.
Yortulu kutlamaklar geçtilär Valkaneş kasabasında da. Sölendi çok şükürlük laflar. Bakannık komiteti başı ilk yardımcısı İlya Uzun söledi, ani en önemni korumaa hepsi bu istoriya sayfalarını.
«Onnar artık diil genç, ama pek akıllı, da biz o evlad boyları, angıları şindi da onnarın arkasına taa dayanêrız ,ne baalı soruşlarlan Gagauz Avtonomiya korumasınnan hem yaşamasınnan»,- İlya Uzun söledi .
Taa ileri Gagauziyanın başka küülerindä hem kasabalarında hep bölä kutladılar Gagauziya kuruluşun veterannarını.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleriGRTnın Telegram kanalında!