«Gagauziya» eni türkünün prezentaţiası «GRT» kanalında gecti. Genç türkücü Valeriya Gargalık yaratmasını Ana topraana baaşladı.
«Gagauziya» muzika kompoziţiyasında genç türkücüyka Valeriya Gargalıkhatırını Ana topraana güder.Türküdä aylä sıcaklıı açıklanȇr, hodulluk dedelerä ,geçmiş yıllara gösteriler.Muzika avasında Bucaan lüzgeri, insan sıcaklıı duyulȇr, söleer türkücü: «Bu türküdä istedim göstermää ana topraamı,onun insannarını,angıları burada yaşȇȇrlar hem gözal adetlerimizi».
Türkünün avtoru gagauz şairi Galina Danaci hem kompozitor Natan yaratmada halkımızın zengin adetlerini,istoriyasını açıklȇȇrlar.Nekadar önemni köklerimizi aklımızda tutmaa hem bilmää,ani kuvedimiz birliktä, söleer Valeriya: «Bu türkü Gagauz Avtonomiyasının 30- cu yıldönümünä başladım».
Valeriya Gargalıknışannȇȇr,ani türkü «Gagauziya» belli eder, ki neredä dä insan bulunmarsa,canı Ana topraana döner. O ayozlu er, neredä var can sıcaklıı, istoriya, insannarın gelecää.
