Zamandaş tertiplär adama büük fayda getirerlär,ama medic uzmannarı nışannȇrlar, ani heptän baalı onnara diil lääzım olmaa,neçinki onnarın kullanması getirerlär kötülük adamın saalıına, haliz büük zarar geler uşaklara.
Ţifrovizaţiya asirindä insannar yok nasıl görsünnär kendi yaşamaklarını elektron tertiplersiz.Onnar vererlär kolaylık informaţiyayı kabletmää, lafetmää hem ii vakıdı geçirmää. Avtonomiyanın yaşayannarı paylaştılar, nekadar sık kullanȇrlar gadjetları hem bilerlär mi nesoy zarar onnar vererlär adamın saalıına.
«Açan uşaklarlan lafederim Pazar günü kullanȇrım, ama ölä bendä bütün gün evdä iş var, diiil nicä başkası oturȇr onnarda saabahtan avşama kadar».
«Unukalar pak o telefonnarda oturȇrlar. Ne yapacan? Şindi ölä evladlar,dil nicä biz».
«Bileriz,ani kötü bu iş. Sekiz saat bendä telefon işler.Var taa kompiuter, 2-3 saat işler. Bilerim,ani prost,ama ne yapmaa? Orada şindi bütün yaşamak».
«Kullanȇrız.Ne yapmaa? Şindi üüsek tehnologiyalar kuvettä.Lääzım olȇr».
«Yok vakıdımız kullanmaa gadjetları.Üüreneriz,çalışȇrız,da bu üzerä yok vakıt».
«Bizim vakıtta hepsi kullanȇr,bana kalsa, 12-13 saat gündä,da bu bütün vakıdı kaplȇr. Düşünerim, ani bu diil bişey fasıl büünkü günü, zerä informaţiya, üürenmek hem iş onnar aşırı geçer».
Gadjetların sık kullanması getirer zararlara, haliz uşaklar en çok kötülük bu uurda kablederlär, nışannadı doktor Anna Buzadjı: «Lääzım dikkat olmaa gadjetları kullanarkan, tutarak lääzımnı profilaktika kurallarını, neçinki zarar en pek geler adamın gözlerinä, örüyuş apparatına hem psihika saalıına»,- urguladı Anna Buzadjı.
Uzmannar nasaat ederlär gadjetları taa az kullanmaa. Önemli uşakları da bu uuurda kontrol etmää, savaşmaa onnar saalıklı ömürü götürsünnär,büüklär da lääzım olsunnar örnek elektron tertiplerin kullanmasında.
Moldovanın hem Gagauziyanın en mekalı haberleri GRTnın Telegram kanalında!