Çin sabaalendän Komrat kasabası merkezindä MD İç işleri ministerliin «Fulger» kurumu üürnmeklerini geçirdilär. Üürenmeklär süresindä taktik durumu işledildi-burayı girdi binayı dolaylamak, tütün granataların kullanması, kanona karşı gidenneri tutmak. üürenmeklerdä pay aldılar «Fulger» maasuz kurumun uzmannarı, Komrat polis uzmannarı hem karabiner uzmannarı. Üürenmeklär kasabanın Kultura evindä geçtilär. Üürenmeklerä karşı yaşayannar korkmasınnar deyni haber verildi.
«Bu üürenmeklär geçirildilär «Fulger» kurumun uzmannarınnan. Onnar Kultura evin önderciliinnän hem Gagauziya polis bakannıınnanöncä lafedildilär. Onnar yaşayannarın kooruntusuna dooruduluydular»,- Elena Kaşu, Gagauziya Polis bakannıın presa izmetin ofiţeri, nışannadı.
GHT deputatı Grigoriy Dülger açıkladı kendi fikirini üürenmeklerin vakıdı hem eri geçirmesi için. Onun bakışına görä bölä olaylar diil lääzım geçirilsinnär o vakıt, açan uşaklar şkolaya giderlär hem şkolaların yakınnında. O nışannadı ani lääzım belli etmää üürenmeklerin lääzımnıını hem yaşayannarın korkunçsuzluunu.
«Bän sandım kimisä kapamaa geldilär. Uşaklar olmalı, korktular»,- çizgiledi deputat.
Üürenmeklär kasabanın Kultura evindä geçtilär. Üürenmeklerä karşı yaşayannar korkmasınnar deyni haber verildi, nışannadı Gagauiya Polis Bakannıın başın yardımcısı Pavel Bunänu.
«Neçi̇n bu üürenmekleri̇ kultura evi̇ndä geçi̇rdi̇lär? Neçin ki burada herzaman çok insan toplanȇr. Üürenmeklär «Fulger» kurumunnan nitalanaceklar. Amma ön çıkışlara görä ver nicä söleyim, ani onnar üüsek uurda geçtilär»,- dedi Pavel Bunänu, Gagauiya Polis Bakannıın başın yardımcısı.
«Fulger» kurumu MD polis izmetin elita bölümnerinin biri, angısı girer MD İç işleri bakannıın genel Poliz inspektoratlıına. Onun işi doorudulu maasuz operaţiyaların geçirilmesinä hem büük cezaları yapan insannarın zapa koyulmasına.
Avtorlar: O.Lotka, İ.karaman, A.Terzi, operator: G. Stavilov,montaj: İ. Rezuneţ