«Мȇrţişor» festivalin çerçevesindä Коmratta «FLUIERAȘ» halk ansamblisi konţert programasını gösterdi.
«Fluieraș» ansamblisi yortulu programaylan moldovan tradiţiyaların zenginniini gösterdi, söledi Kultura bakanı Marina Semönova: «Fluieraș» — anılmış ansambl. Sevineriz taa bir sıra yaradıcılıınızı siiretmää. Siz Gagauziyadaysınız – bu haliz yortu. May 60 yıl – Mȇrţişor devletimizdä geçiriler – bu haliz İlkyaz yortusu».
«Fluieraș» ansamblisinin baş dirijoru Edgar Ştefȇnesku söledi, ani Komradın sţenasına çıkmak – herkerä dalgalı hem sevimni.
«Komrada spektaklilän geldik. Mȇrţişor festivalindä profesionallıımızı, incäzanaatımızı göstereriz, angısını yıllarca çalıştırȇrız. Seftä Gagauziyaya gelmeeriz, bizi burada herzaman sıcak karşılȇȇrlar»,- Edgar Ştefȇnesku söledi.
Ansamblinin kemençecisi var olan duygularınnan paylşaştı.
«Sizin sıcak karşılamanız bizi hoşlandırdı. Bu Mȇrţişor konţerdin çerçevesindä bitki konţert»,- «Fluieraș» ansamblisi kemençecisi Маrçel Ştefȇneţ paylşaştı.
Siiredicilär musaafirleri palma düümesinnän şükür ettilär.
«Käämil spektakliyi bizä legendar «Flueraş» ansamblisi baaşladı. Bu ansamblidä bir zaman gagauzlar da çalıştılar».
«Käämil konţert oldu. Bizä, muzıkacılara deyni, bu taa bir örnek. Biz dä kendilerimizä faydalı dersleri alȇrız».
«Sade üüsek duyguları yaşȇȇrız, çünkü suuk ürekli bu artistlerä olmaz danışmaa. Onnar bütün spektakliyi bizä gösterdilär».
«Мȇrţişor» festivali adetä görä bütün devlettä geçer.
Moldovanın hem Gagauziyanın en mekalı haberleri GRTnın Telegram kanalında!