Fevral ayın 14-23- dän Serbiyada Belgorod kasabasında Evropa karışık güreşlär çempionatı geçti. 40 devlettän, bindän zeedä sportçu pay aldılar. Moldova toplum komandasının sportçusu Gagauziya yaşayanı Andrey Avramov bronza ödülünü kazandı. Ana erindä Andreylän buluştu GRT kanalın korespondenti.
«Bän 4 buluşmak geçirdim. Üçunü dä ensedim. Bitki düüşü tarattım. İlk sportçu Ȇstoniyadan. Onunnan tez başardım.Kısa düüş oldu. Bän taradım. İkinci sportçu Bulgariyadan tarattı bana. 3 raund onunnan geçirdik.Üçuncü sportçu İzraildän. Bu buluşmak bana deyni pek önemniydi. Geçän yıl ,hep bölä çempionatta bän ona tarattım.Bu sefer hazırdım, kuvedimi bütündän gösterdim.Neetlerim aslıya çıktılar –da tarayıcı oldum.4 -cu düüşü Ukrainalı sportçusunnan kaçırdım. Davacıların kararına görä 1 ball bizi ayırdı. Pek gücenmeerim ama. Bana bu çalışmalar örnek. Evä geldim.Trenirovkaları ilerlederim .Dünnä çempionatına hazırlanȇrım»,- Evropa bronza çempionu Andrey Avramov açıkladı.
Moldovanın hem Gagauziyanın en mekalı haberleri GRTnın Telegram kanalında!