Kazayak küüyün «Masal» ikinci uşak başçasında geçti eni yıl yortusu, angısı tanıştırdı uşakları masal dünnesinnän. Gözäl renkli şıralı giimnärlän uşaklar bir oyuna düştülär — lääzımdı bulsunnar Kaarcaazın parçacıklarını.
Yortu Geçti pek meraklı hem şen.Uşaklar kaarşıladılar türlü masal kahramannarını, çaldılar türküleri hem oynadılar. Herbiri onnardan oldu bir büük masalın payı. Uşakların şen üzleri hem ii kefleri pek sevindirdilär anaları bobaları.
«Kutlêêrım hepsini Eni Yılllan, 2025-ci yıl getirsin hepsinä çok saalık, kuvet, olsun usluluk bütün Dünnedä , aramızda olsun birlik. Şıralı geçti bu yortu, getirdi bizä şennik, saa olsunnar».
«Kutlêêrım hepsini Eni Yılllan Dilerim çok saalık, kuvet,annaşmak hem çok çok güneşli hava, hepsi islää olsun».
«Gök kuşaa» grupanın terbiedicileri söledilär, ani bu yortular vererlär uşaklara diil sade şennik, ama açêrlar onnarın becermeklerini, yaradıcılık talantlarını hem barabar çalışmayı.
«Eni Yılllan kutlêêrım, adêêrım saalık, bereket hen uygunnuk aylelerdä»,- dedi terbiedici Elena Mandacı.
«Bizim uşak başçasında geçti yortu, kutlêêrız ayleleri, musaafirleri, dileeriz onnar olsunnar herzanan saalıklı, uşaklar olsunnar saalıklı. Biz hepsini severiz, beeneriz»,- nışannadı Olga Kior, terbiedici.
Masalllı yortunun sonunda uşaklar topladılar Kaarcaazın hepsi parçalarını, da barabar Ayaz Dädusunnan hem Kaarcaazkaylan türkü çaldılar, oynadılar hem tatlı baaşışları kablettilär.
Avtor: A. Karapirä, operator hem montaj: L. Arfonos