«Eni Türkü» Regional yarışması ikinci keret Komrat kasabasının Kultura evindä geçti . Bu yıl türkü yarışması adalı Gagauziyanın 30-cu yıldönümünä.
Bu yıl «Eni Türkü» yarışmasına 13 pay alan katıldılar: talantlı, genç hem anılmış çalgıcılar hem türkücülär. Onnar hazırladılar birär eni türkü gagauz dilindä, angılarını siiredicilär ilk sıra işittilär.Yrışmanın pay alannarına,artislerä ,juri azalarına ,siiredicilerä danıştı Kultura bakanı Mari̇na Semönova: «Pek sevinerim,ani bu gün var nicä siiredelim « Eni Türkü» 2-ci regional festivalini. Bu festivaldä artistlär kendi zanaatını var nicä göstersinnär: seslerini, muzıka hem aranjirovka urunda. Bu gözäl yortuya karşı hepsinä sevinerim,bu festival pek lääzımnıydı».
Dmitriy Kadın söledi: «Eni türküylän istedim kutlamaa bizim gagauzları.İki nominaţiyada ödüllendim, sevinerim.Sanȇrım, hepsi beenecek. Buyurun da sesläyin».
Duȇt Stanevı nışannadı: «Lafları bizä yazdı Aleksandra Kristova. Biz ona çok saa ol söleriz.Çok duygulu geçti olay. Çok mutluyum bän hem kocam da».
Duȇt İlya hem Evdokiya Kösä nışannadılar: «Bän pek sevinerim. Biz bu yarışmaya çok hazırlandık .Ayırdık birlik temasını ,usluluk dünnedä,insannar arasında.Mutluyum,ani saygılı juri ödülledılär bizi».
Alöna Horozova çizgiledi: « Şükür ederim hepsi siiredicileri,ani ölä sıcak bizi karşıladılar. Bu çiçeklär için. Geldiynän evä, uşaklarıma sarılcam, da elbetki onnarın gözlerindä hodulluk görecäm.Bän pek buna kısmetliyim».
Elena Paçi sayȇr: « Bän bu konkursta «En ii türkücu» nominaţiyasında aldım ilk eri.Türkü «Gagauziyam-Bucaam» bobam Mihail Paçi yazdı.Bu türkü patriotik temasına.Göstereriz saygımızı,sevgimizi ana dilimizä, kulturamıza.Oguz ruhumuzu,kulturamızı ilerledelim».
