Dramatikalı süjetlı melodrama elementlerinnän eni dizi «İncir Aacı» baaşladı GRT kanalında. Dizinin yayınnaması GRT kompaniyasının hem Türkiye devletin TRT cümnä kompaniyasının önderciliin aralarında annaşmaklar aşırı aslıya çıktı.
«İncir aacı» türk dizisi — dramatikalı bir istoriya,angısı birkaç aylenin arasında döner,angıları biri birinnän geçmiş zamanın saklı işlerinnän baalı. Dramatikalı süjet yapışacek avtonomiyanın siiredicilerin cannarına, brakayacek duygusuz ,angısı gösterer derindän aylä baalantılarını, sevgiyi, satmayı hem afetmeyi, nışannadı GRT televizionun baş redaktoru Valentina Koroläk: «Annaşmakların yardımınnan GRT hem TRT kompaniyaların arasında ,siiredicilerdä olacek kolaylık siiretmää eni dizileri».
Onnarın birisi başladı ekrannarda mart ayın 17-dä. Dizinin adı — «Incir Aacı».İsteerim teklif etmää hepsinä siiretsinnär bu diziyi gagauz televizionda. Saygılı siiridicilär, hazırlanınız aylä biymelcelerin meraklı istoriyasına. Dizi verecek kolaylıı siiretmää türlü meraklı sţenaları.
Gelecek zamanda bu dizidän kaarä plana koyulu yayınnamaa başka meraklı türk dizilerini dä, nışannadı televizionun baş redaktoru.
«TRT baaşladı GRT kompaniyasına birkaç dizi,angılarını plana koyulu kanal göstermää. Urgulamaa isteri ani hepsi dizilerä titralar devlet dilindä konulȇrlar ,onuştan da devlet dilindä lafedän insannarda olacek kolaylık onnarı siiretmää»,- açıkladı redaktor.
Eni diziyi GRT kanalında var nicä siiretmää afta arası saat 10:30( yarın onbirä sabaalen) hem tekrarda 22:10 ( 10 minut onbirä avşamnen) hem dinnenmäk günnerdä tekrarda saat 12-dä gündüz.
Moldovanın hem Gagauziyanın en mekalı haberleri GRTnın Telegram kanalında!