Yıl –yıldan Gagauziya liţeylerin üürenicileri başarlı çıkışları göstererlär. Bunu «GRT» kanalında cannı yayında «Dialog v studii » programasında Üüretmäk bakanı Natalya Kristeva habreledi.Avtonomiyanın kuvetleri yapȇrlar hepsini ki üüretim proţesı ilerlesin.
«Biz üüselderiz orta balını .Üürenicilerin taa çoyu hepsi ȇkzamenneri vererlär.Bu sevindirer. 9 cu klasın başarannarı ȇkzamenneri vereceklär BAK ȇkzamennerin proţedurasına görä.Bu üüseledecek uşakların hazırlanmasını ȇkzamennerä.Herbir okulda volontörlar,üüretmäk ministerliin uzmannarı ȇkzamennerin doru geçirlenmesini gözledeceklär.Sora üürencilerin çalışmaları respublika merkezindä notalanacek.9 -cu klassların başarannarı ȇkzamenneri vermä deyni parasız kursları matematika predmetindä geçeceklär. Hep ölä «Yardım et üüreniciyä» kampaniyası geliştiriler»,- annattı Kristeva.
«12 –ci 11-ci klasların üürenicileri 9 cü klasların başarannarına ȇkzamennerä hazırlanmaa yardım edeceklär. Onnarı ekspertlär hazırlayaceklar da lääzımnı materialları bunun için vereceklär»,- ekledi üüretmäk bakanı.
Bu yıl 9-cu klası başarȇr 1530 üürenici, bölä haberleri açıklȇȇr üüretim bakannıı. Ama bakalavra ekzamennerini verecek 571 liţeist. Üürenicilär, angıları taa ileri ekzamenneri verämedilär, lääzım fevralin 15-şinädän bildirimneri yazsınnar ekzamennerä katılmaa deyni.
«Uşaklar lääzım kendi okullarına fevralin 15-şinädän danışsınnar, neçinki haberlär ekzamen vericileri için maasuz programaya konulȇr»,- nışannadı Kristeva.
Üüredicilerin bakışlarına görä bölä eniliklär hem reformalar doorulu üüretmäk proţesini taa ii yapmaa hem gençleri hazırlamaa zanaat kabletmesinä.
