Komrat Devlet Universitetindä «Regionun ȇkonimika uurunda problemaları» konferenţiyası geçti.Toplantıda alış – veriş Assoţiaţiyası temsilcileri, bilim uurunda uzmannar pay aldılar. Onnar baktılar soruşları, angıları devletin hem regionun finans -ȇkonomika durumunnan baalı.
Regionun ilerlemesi için konferenţiyanın pay alannarın bakışlarına görä, lääzım eni ideyalar, ki devletin ekonomika ilerlesin. Komrat Devlet Universitetin ȇkonomika fakultetin dekanı Lüdmi̇la Todori̇ç nışannadı, ani bölä uurda toplantılar önemli, neçinki toplȇȇrlar ekspertları türlü sferalardan, angıların kolaylıklarınnan uyȇr işlettirmää kararları hem da eni ideyaları.
«Tema pek geniş , meraklı hem da aktual. Konferenţiyaya biz her zaman teklif ederiz biznes uurunda temsilcileri, bizdä büün bulunȇrlar biznes Açoţiyası temsilcileri, hem da alış – veriş adamnarı. Hep ölä biz sık tutȇrız baalantıları hükümetin temsilcilerinnän — bu bilim uurunda çalışannar. Bu simbioz, neredä duuȇrlar ideyalar, fikirlär, angıları ileri dooru aslıya çıkȇrlar»,- nışannadı Lüdmila.
Bölä buluşmakların önemnii için çizgiledi biznes adamnarı Asoţiyaţiyası öndercinin bir vakıda işini götüreni Vladi̇mi̇r Kara. O nışannadı, ani biznes oynȇȇr büük rolü, yardımcı olȇr baalantıları türlü sferalarda kurmaa, da nışannadı, ani zamandaşta bu sferada var bir sürü problemalar. Bakmadaan buna, o çizgiledi, ani bölä uurda toplantılar vererlär kolaylık diişmää bilgilärlän hem da nasaat etmää peydalanmış soruşların çözülmelerini.
«Pek islä, ani büün geçer bizim universitetimizdä bölä bilim – praktik konferenţiyası, angısına görä uydu geniştän bakmaa problemaları, bizim regionumuzun kolaylıklarını, ne var nasıl yapmaa ȇkonomika için bizim regionumuzda»,- biznes adamnarın Asoţiyaţiyası öndercisi Vladimir Kara söledi.
Lüdmi̇la Todori̇ç nışannadı, ani bakmadaan peydalanmış problemalara, Gagauziya alış – veriş adamnarı hazır çözsünnär onnarı. Bu iş, onun laflarına görä, oynȇȇr önemli rolü islä başarlar için alış – veriş sferasında.
«Bizdä okadar islä halk, onun var perspektivaları. Bizim insannarımızda var gelecä , pek önemli, açan zanaatlanȇrsın alış – veriş işinnän. Elbetki, var zorluklar, bu diil saklı iş, ama türlü zorluklar – bu yol, angısı, açan sän geçersin, yapȇr seni taa kavi da verer sana kolaylık ileri doru büümää»,- ekledi Lüdmila.
Yıldönümü konferenţiyası başardı kendi işini rezolüţiyasının kabledilmesinnän, angısında yazılı Gagauziya finans – ȇkonomika durumun kaavileşmäk adımnarı, hem dä bütünnä devlettä. Bitkidä toplantının pay alannarı baaşışlandılar sertifikatlarlan, regionun ȇkonomika sferanın uurunda çalışmaları için. Diplomnan nışannandı GRT CKompaniyası da toplantıların informaţiya haberlemeleri için.
