Mart ayın 3 – dä dünnenin çoyu devletlerindä bakılȇr yazıcılar günü, bu sırada Moldova da, Gagauziya da da.Lääzım çizgilemää, ani bakȇrlar bu günü diil sade yazıcılar, ama redaktorlar, kritiklär, kulturologlar, jurnalistlär, üüredicilär, studentlär, filologlar – başarannar, hep ölä, kimo sever okumaa.
Anılmış Gagauziya yazıcısı Alöna Ergoglo sevda, yaşamak, tabiat , dil, vatan, din hem başka temalar için yazȇȇr. Zamandaşta avtorun yaradıcılık kolekţiyasında 400 zeedä peet. Onun en sevän teması — filosofiya.
«Savaşȇrım kendi yartamalarımda göstermää insannarın yaşamasını, bän bu işi severim. Bana verer koraş o, ani konu var nasıl ansızdan gelsin. Var nasıl doorudulu olsun insana, esaba almaa nesoysa problemayı, angısı doorudulu ona, ne beni dalgalandırdı»,- dedi yazıcı.
Soruşa : «Zor mu olmaa yazıcı büünkü günä, Alöba Ergoglo cupvap etti :
«Olmaa yazıcı — büünkü yaşamayı açıklamaa nesoy o var. Olmaa yazıcı — bu sevgiylän insana danışmaa. Olmaa yazıcı — bu halezdän zamandaş için annatmaa»,- dedi yazıcısı.
Baurçu küüyün yaşayanın Alöna Ergoglonun yaşamak devizi — savaşmaa herbir durumda insan kalmaa. O kutladı kendi kolegalarını yortuylan.
«Paalı benim kolegalarım — bu yazıcılar da, jurnalistlär da. Bän hepsiciinizi kutlȇȇrım bu yortuylan. Adȇȇrım sizä yaradıcılık uurunda havez, canınızda usluluk, ko sizin işiniz notalansın cümnäylän»,- nışannadı Alöna Ergoglo Gagauziya yazıcısı.
Dünnä yazıcıların günü adalı, ki esaba alınsın yazıcıların yaratmaları. Bu gün olȇr bir meraklı platforma , neredä yazıcıların uzmannıın önemnii bakılȇr, hep ölä esaba alınȇr problemalar, angılarınnan karşı gelerlär avtorlar kendi işindä, bölä nicä — avtorun hakı, ţenzura, finansların etişmemesi hem başka zorluklar.
Moldovanın hem Gagauziyanın en mekalı haberleri GRTnın Telegram kanalında!