GHT başı Dmitriy Konstantinov açıkladı, ani o genä yok niceydi devlettän aşırıya gitsin . Sebepleri üürendi Alöna Terzi.
Bu sıra GHT başı lääzımdı Türkiye devletinä ilaçlanmaa gitsin, bunu o brifingin süresindä açıkladı.
«3 yıl oldu nasıl bän iki ayda bir sıra giderim doktorlara baksınnar benim saalıımı. Bu sefer da pazar günü istedim uçmaa, çünkü çoktan gitmediydim, ama açan geldim aeroporta, beni genä durguttular , geçirdilär vakıdı, uçak genä uçtu»,- dedi Konstantinov.
Dmitriy Konstantinov nışannadı, ani aeroportta onu narkotik elementlerinä kontrol ettilär.
«Kolvermedilär beni. Getirdilär bana iki kişi da baktılar bendä narkotik olmasınmış. Deerim, bän yoktur ţigara koktuum bu iş için ama düşünmää dä istämeerim. Baktılar yok bişey, vakıt geçti , uçak gitti»,-söledi GHT başı.
Bu olayın açıklaması için Dmitriy Konstantinov neetlener MD Genel prokuraturasına danışmaa.
«Şindi hazırladım hepsi kiyatları, yarına götürecäm Genel prokurora, baksın da versin bana cuvap, ne biz lääzım yapalım. Kanonnar çalışmarsalar -bölä başkasına da var nicä yapmaa»,- çizgiledi spiker.
Durumu açıklamaa deyni biz savaştık baalanmaa MD İnformaţiya hem korkunçsuzluk izmetininnän, ama kurumun ofiţial saytında belli edili telefon nomerleri cuvap vermedilär.
Avtor: A.Terzi, operator: V.Kıssa,montaj: A.Gerçu.