Dezgincä küüyün dinnenmäk parkı enilendi. Proektin çerçevesindä yaşayannarın dinnenmesi için birkaç dinnenmäk zonası yapıldı. Enilenmiş parkta gezinmää yılın herbir zamanında var nicä.
Dezgincä küüyün parkında yaşayannar hem musaafirlär dinnenerlär. O bulunȇr yaşamak erin merkez erindä. Burada gezinmäk erleri, uşakların dinnenmesi için meydan, büüklär için bölüklär var. Enilenmiş parkın özelliklerini yaşayannar açıkladılar.
«Taa ileri da burada dinnenärdik, ama koşullar yoktular. Burayı aylelär uşaklarlan gelerlär dinnenmää. Eni sallangaçları koydular, besedkaları, fenerleri, fontanı koydular.»
«Bakınca burası öncä ne haldaydı hem şindi, diişiklär belli.»
«Park gözellendi. Gözäl hem tertipli oldu. Skemneleri, besedkaları koydular. Şafk geçirdilär.»
Parkın enilenmäk proekti 2024-cü yılda çalıştırıldı, onu «Steaua Bugeac» erindeki iniţiativa asoţiaţiyası tutturdu. Grant parası 200 bil ley kurdu, erindeki kontribuţiyalar – 100 bin ley. Bütündän 294 bin ley harcandı.
«Parkta trotuar plitkası koyuldu, fontan, besedkalar, skemnelär, şafk geçirildi. Parkta video izlemesi geçirildi»,- dedi primar.
Park üç paya bölünmüş: var er büüklerä deyni, küçüklerä hem küüyün gençlerinä deyni.
«Parkın yanında gençlik merkezi bulunȇr. Üçüncü bölüktä gençlerä deyni eri yapacez».
Bu yıl küüyün öndercilii neetli fontanı çalıştırmaa hem eşilletmää parkı.
Moldovanın hem Gagauziyanın en mekalı haberleri GRTnın Telegram kanalında!