GHT Cümnä seslemekleri geçtilär. Laf gitti Gagauziya dış baalantılarını kurması için kanona diişmekleri için.
Gagauziyanın dış baalantılarını kurması için kanonuna diişmekleri geliştirmesi kanon proektini açıklarkan Gagauziya dış işleri bakanı Anastasiya Çolak annattı, ne iş için lääzım bu kanon. Öncä bu kanonda sölenärdi, ani:«Öncä kanonda sölenärdi, ani başka devletlärlän annaşmak kurulaceykan lääzımdı maasuz izin MD Dış işleri hem Evropa integraţiyası ministerliinä danışmaa. Bu danışmakta lääzımdı olsun hepsi finans-economika hem başka sebep inandırmakları. Bu karar karşı gider MD Konstituţiyasının 111-ci statyasına, Gagauziya Hak statusu kanonun 1-ci statyasına. MD Dış işleri hem Evropa integraţiyası ministerlii Gagauz Avtonom bölgenin cümnä kuvet organı diil , onuştan onun yok hakı kabletmää kararları Gagauziya adından. Gagauziyanın var hakı kendisi kabletsin politika, ekonomika hem kultura uurlarınınnan baalı kararları»,- annattı Anastasiya Çolak.
GHT Üridik komisiyası başı Aleksandr Dülger nışannadı bu diişmeklerin eniliklerini.
«Bu diişmeklär çoktan lääzımdılar yapılsınnar. Onnar vereceklär kolaylık kurmaa annaşmakları bizim partnörlarımızlan hem yaşayannarın yaşamak kalitesini üüseltmää»,- nışannadı Dülger.
Soruşa komentariyaları kabletmää deyni, MD Dış işleri hem Evropa integraţiyası ministerliinä yazıylan danıştık. Kanona diişmeklär vereceklär kolaylık Gagauziya cümnä hem ekonomika problemalarını açıklamaa , yaşamak uurunu kaldırmaa,merkez hem erli bücetlerin gelirlerini zeedeletmää, nışannanȇȇr kanon proektindä.
Avtor: A. Terzi, operator: G.Stavilov, montaj: A. Topal.