Baş tema, angısını komratlılar bitki birkaç aftanın içindä durgunmayarak kaldırȇrlar – o uşak başçalarına imek mallarını yabancı kompaniyasınnan getirmäk.
Yanvarin 22-dä Komradın primariyasında primar muniţipal nasaatçılarınnan insannan buluştu. Açıklandı tema, angısı baalı özel kompaniyaylan. Var lafta kasabanın uşak başçalarına imek mallarını taşısın eni kompaniya. Muniţipal nasaatçı Tatyana Dudoglo soruşunnan primara Sergey Anastasova danıştı.
«Bän ölä annȇȇrım, ani var maasuz firma, karar da verildi, ama bizdä çok soruş var. En ilk analarlan-bobalarlan lääzımdı buluşup lafetmää. Var olan soruşu kim açıkladı, ekonomiya nedä yapılȇr? Çoyu soruşlara cuvaplar yok» ,- dedi Tatyana.
Komradın primarı Sergey Anastasov inandırdı, ani tender yapıldı.
«Biz tenderı geçirdik, ki üürenmää, nekadar bu uura para harcanacek. Kufnä, obşepit verilmeyecek nasaatta karar kabledilmeyincä»,- nışannadı primar.
Buluşmakta 5-ci uşak başçasının menedjerı Elena Patraman da pay aldı. O belli etti kendi bakışını bu soruşta.
«Uşak başçalarında imäk blokları yok. Bizä hazır imekleri getirerlär, da uşaklara vererlär. Autsorsing kompaniyasına, yaklaşıp sordum, nesoy onnarda menü, söledilär, ani kurum bunnan ulaşȇr»,- çizgiledi Patraman.
Oturuşun sırasında kabledildi karar, ki herbir uşak başçasında ana-bobalarlan toplantı hem cümnä seslemekleri lääzım geçirilsinnär.
Yanvarin 23-dä bu tema GRT kanalın «Оbsujdaem vmeste» programasında saat 20:00 açıkanacek. Komradın muniţipal nasaatın kararı için cümneyi biz taa haberleyecez.
