Beşalma küüyün «Zanaat evin» üürenicileri sarı topraktan yapılı yaratmaları sergidä gösterdilär. Ȇkspoziţiya Komratta K.Atatürk adına bibliotekasında geçti.
Çölmekçilik sergisinin unikallıı onda, ani hepsi yaratmalar ustaların ellerinnän yapılı. Ȇkspoziţiyada 15 uşaan 200 yaratması gösterili. Hepsi onnar zanaat evindä çölmekçilää üürenerlär.
«Bän çölmekçilik incäzanaatına bir yıl üürenerim. Sergiya getirdim te bu evceezi hem çanaa».
«Ellän bişeylär beenerim yapmaa, bunun için masterskaya gezerim».
«Bu benim işlerim-mumnuklar. Onnar glazurlän kaplı».
Sergidä 200 el işi temsil ediler. Burada çölmeklär, garafalar, dekor skulpturaları. Herbir yaratma unikal hem uşaan yaradıcılık bakışını açıklȇȇr. Çoyu keramika tertipleri tradiţional tehnikalarında yapılı,onnar da tehnikalarınnan, formalarınnan, renklerinnän ayırılȇrlar.
«Çölmekçilik ustacılıında türlü tehnikaları kullanȇrız. Şindi var taa kolaylıımız glazurlän da örtmää işleri»,- nışannadı Pötr Kapaklı.
Kurslar çölmekçilik zanaatında geçän yıl Komadın K. Atatürk adına bibliotekasında geçirildilär. Onnarı finanslȇȇr türk kulturasını ilerledän Yunus Emre institudu. Bu yıl kurslar Beşalmanın zanaat evindä uşaklara deyni geçirildilär.
«Bu yıl kursları küçüklerä deyni geçirdik çölmekçilik zanaatında. Uşaklar büük havezlän var olan ustacılaa üürenerlär», — K.Atatürk adına bibliotekasının başı Vasilisa Tanasoglo açıklȇȇr.
Çölmekçilik sergisi bibliotekada 2 aftanın içindä çalışacek.
