Hederlez ayın 6- da gagauzlar nışannȇȇrlar Hederlez millet yortusunu , angısı baalı hayvannarın gütmäk zamanınnan. Adetlär, baalı çobancılık işinnän, geçerlär asirdän asirä. Çoyunu büün dä bakȇrlar çobannar. Bizim televizion grupamız bulundu Kongaz küüyündä Dmitriy Külсüdä.
Kongaz küüyün yaşayanı Dmitriy Külju 17 yıl zanaatlanȇr, hayvancılıklan, tutȇr diil sade koyun ama keçi dä. Kalan hayvannarı toplȇȇr insannardan gütmäk zamanına. Bu işä çekilärdi taa küçüktän.
«Bän taa 12 taşından zanaatlanȇrım hayvancılıklan, gittim kazanca da, ama çeker geeri evä, az mı, çok mu kendi erindä»,- dedi çoban.
Nicä nışannadı Dmitriy büün fermerların yaşaması taa ii nekadar ileriydi, ama otlatmak eri pek az.
«Şindi ta kolay, ozaman taa zordu. Gezärdik hererdä, şindi ölä er pek az. Ta çoyu erleri sürdülär. Kalmadı o otlatmak meraları.Gündä 100 da 80 da kilometra gezeriz»,- nışannadı Dmitriy.
Bu yıl Dmitriyin sürüsündä yakın 500 koyun, 60 kendisinin, kalanı insandan topladı. O söleer, ani yıl yıldan insan taa az tutȇr hayvan, çünkü yok neredä otlatmaa hem diil kolay büün onnarı beslemää.
«Bän bütün gün gezerim, siirederim onnarı, angısı hastalanmış ki ilaçlamaa, da bütün gün bununnan aldanȇrsın, da darsımȇrsın»,- sayȇr Dmitriy.
Yardım eder Dmitriya onun kardaşı İvan, angısı da tutȇr kendi hayvannarını hem işçilär.
«Bana diil zor saamaa, ileri taa çok er otlatmaa deyni vardı şindi pek az, şindi onnarı sürdülär. Onun için insannar taa az başladılar hayvan tutmaa»,- nışannadı İvan.
Nicä naşannadı Grigoriy Esir, angısı getirdi kendi hayvannarını çobana, bu zanaat pek zor diil her biri bu işi yapacek.
«Geçän yıl getirdim bu yıl da hep bu çobana getirdim, beenerim onnarın işini. İnsan açan işteer tutunȇr da yapȇr işini»,- söledi çoban.
Nicä urguladı Dmitriy Külcü o gücenmeer ani ayırdı bu zannatı.
Moldovanın hem Gagauziyanın en mekalı haberleri GRTnın Telegram kanalında!