Geçän Bakannık Komitetin toplantısında Gagauziya kuvetleri Çiftçilik subsidiya fondun iş raportunu sesledilär. Raporta görä, bölgä büdjetindän 5 milion lei harcandı. 1,45 milion lei verildi çiftçilerä subsidiya gibi.
2024 yılda Gagauziya Çiftçilik Bakannıı paylaștırdı parayı Çiftçilik subsidiya fondundan. Bir yılın içindä kabledildi 16 yalvarmak çiftçilerdän, angılar yaptılar investiţiya kendi çorbacılıklarında. Bunun için haberledi Gagauziya Çiftçi bakanı Başı Sergey İbrişim. Hepsi investițiyaların summası 8,19 mln lei kurdu. Toplantının sonuçunda Kontrol edän Nasaatı 1,45 mln ley subsidiya ödemeklerini kararladı.
Sergey İbrişim, Gagauziya Çiftçi bakannı, teklif etti: «Bizim tarafımızdan tutturmakların birisi – desteklemää investiţiyaları baalı kapalı gruntta, tepliţalarda çiftçilik malların büüdelmesinnän. Burada biz bir yalvarmak kablettik. İkinci, desteklemää investiţiyaları baalı çok yıllık kulturaların hem otların büüldümesinnän. Burada biz 7 yalvarmak kablettik.Bașka tutturmakların arasında desteklemää investiţiyaları baalı soylu hayvannarın hem soylu toomarın satın almasınnan. Burada çiftçilerdän 6 yalvarmak kablettik. Taa bir tutturmak — desteklemää investiţiyaları baalı sulamak için ekipament satın almasınnan. İki yalvarmak kablettik. 2024 yılda hepsi investitiyaların toplu suması 8,2 milion lei kurdu. Subsidiya fondundan çiftçilerä 1,5 mln ley ödenecek».
Toplantıda Gagauziya Çiftçilik Bakannın başına investiţiya genişletmesi için soruşlar sorundular. Halk Topluşu başının yardımcısı Nikolay Ormanji soordu: «Bulunȇȇr mı Çiftçilik Bakannıı işbirliktä çiftçilärlan yardım (гуманитарные вопросы) soruşlarda?»
Nikolay Ormanji, Halk Topluşu başın yardımcısı, söledi: «Lafettiniz mi siz çiftçilärlan yardım üklär için — beslim, booday, dizel yakacaklar için. Eer bu üklär gelecek, hazır mı çiftçilär bu NDS hem tamojnä ödemeklerini kendinä almaa».
Nışannayacız, ani sentäbrinin 2024 Halk Topluşu danıştı Moldova Parlamentınä iniţativaylan kolvermää tamojnä ödemeklerindän gelän Rusiyadan çiftçilik hem yakacak yardım üklerini. Ama bu proekt kabledilmedi. Sergey İbrişim çizgiledi, ani lääzım sormaa çiftçileri, hazır hem kayıl mı onnar kendibaşına ödemää bu vergileri.
Sergey İbrişım Gagauziya Çiftçilik Bakannıın başı, söledi: «İlktän lääzım bakalım, nesoy bu ükleri paylaştirmaa hem angı sayda onnnar lääzımnı.. Karar lääzım kabledelim biz, çiftçilär sa sesini versinnär».
Gagauziya kuvetleri nışannadılar, ani hazır yardım etmää çiftçilerä, ama bunin için Bakannık Komiteri hem Halk Topluşu lääzım barabar çalışsınnar.
