Yakında uşaklarda olacek kolaylık geçirmää yazı dinnenmäk merkezlerdä, neredä onnarı artık beklerlär. Yaz sezonunun açılmasının önündä Gagauziyanın başı hem bakannık komitetin temsilcileri geldilär Baş küüyün dinnenmäk merkezinä «ÇAYKA», ani onun durumunu kontrol etmää. Açılmaktan sora lager’ kabledecek 120 uşak.
Her yıl Gagauziyanın önderi cileri kontrol ederlär uşak dinnenmäk merkezleri sezon açılımasının önündä ki uşakların dinnenmesi raat hem uslu geçsin. Nicä nışannadı lagerin başı Olga Tretyak, bu yılda lagerdä geçirdilär hepsi lääzımnı işleri. Artık yapılı işlär içerlerdä hem imäk odasında, kontrol edildi elektrika hem yangından koorumak durumu. Lagerin teritoriyanın düzeltemesi yapıldı, kuruldular erlär uşakların oyunmasına deyni. Kaldı kabletmää bitki izin dokumentleri.
«Lageri hazır olsun açılmaa deyni Energetika hem Tehnika uurunda gozletmesinin, Hatalı olan Bakannıın, ANSA kurumunun hem Cumnä saalını koorumak merkezin izileri kabledelim. Herbir Kurum verer türlü çalışmaları tamannamaa deyni. Onnarı yaptıynan izin kablediler. Biz hepsi izinleri Kablettik, kaldi sadece bir. Bekleriz onu»,- «Çayka» dinnenmäk lagerin başı Olga Tretyak söledi.
Bu yıl Çaika dinnenmäk merkezi neetlener açmaa iki smena uşaklara altı onbeş yaşadan. Bir smena kaplȇȇr 10 gün.
«Dinnenmäk merkezimiz kaplayacek 120 uşak bir smenada. Her yılın üç smena açȇȇrız, ama bu yıl üçüncü smenaya deyni paramız yok. İki smena heptän dolu, üçüncüya da isteyän uşakların sayısı büüyer. Parayı onu açmaa deyni arȇȇrız, umudu kaybetmeriz ani o da açılacek»,-ekledi lager öndercisi.
Dinnenmäk merkezin başı kaldırdı soruşu, nesoy lageri korulacek gündüz hem gecä vakıdında.
«Poliţiya bakannıı istämedi korumaa lageri gecä vakıdında. Yazdılar ani monitoringı geçerciklär»,- çizgiledi Olga Tretyak.
Gagauziyanın başı Evgeniya Guţul çizgiledi, ki uşakları zapsız brakmaa olmaz hem lageri lääzım korunsun.
«Bunu diil lääzım bölü brakmaa, çünkü orada uşaklar bulunȇȇr, bu sooruş onnarın saaalık hem korumak için» ,- nışannadı Gagauziya Başkanı.
Poliţiya sa nışannadı, ki dinnenmäk merkezi bulunacek motirıngta gecä-gündüz hem raatsız olmak için sebep yok.
«Günün herbir saatında, saabanın 8-dän avşamın 7-dan orada olacek bizim cuvapçı zaametçimiz. Avşamın 7-dän sora işleyecek 112 izmeti. Herbir mesaja tez cuvap vereciiz. Lafettik dinnenmäk merkezin başınnan, primarlan, hepsi 24 saat işleyeciz, ko raat olsunnar»,- söledi poliţiya bakannıın cümeyi korumak bölümün başı
Nışannȇȇrız ki Kirsovo dinnenmäk merkezi «Çaika» açıldı 1966 yılda. O zamandan o kalȇȇr avtonomiyanını lagerlerin birisi angısı her yıl yaz aylarında açȇr kapularını uşaklara.
