Gagauziyanın baş kasabasında Eni yıl çam aacın ofiţial açılışı geçti. İkinci yıl sıravardı o Gagauziya başkanın Guţul Evgeniyanın iniţiativosına görä Gagauziya Bakannık Komitetin binasının önündä koyulȇr. Yortuda yaşayannar hem kuvet temsilcileri pay aldılar.
Çoyu yaşayannar geldilär Komrada uşaklarlan pay almaa deyni bu gözäl yortuda.
«Pek gözäl. Eni yıl yortularına karşı saalık hem usluluk dileeriz».
«Hepsi eni yıl yortularınınnan kutlȇȇrım. Hepsinä saalık, sevinmelik, kısmet dileerim».
«Dileerim hepsinä kısmetli Eni yılı».
«Eni yıla karşı Komradın yaşayannarına dilemää saalık, uygunnuk hem usluluk».
Eni yıl çan aacı kendi gözelliinnän yaşayannarı bir aydan zeedä sevindirecek. İkinci yıl sıravardı yortu Gagauziya başkanı Guţul Evgeniyanın iniţiativosuna görä geçiriler.
«Yaamur mi, kaar mı, çok sıcak mı- hez herzaman bizim yanımızda. Biz büün toplandık barabar yakmaa Eni Yılın çavklarını. Çok aaz vakıttan sora, birası çok gözäl olacek. İsteerim çok saa ol sölemää herbir insana , angıları günnärcä kuvet koydu hem işledi bizä bu gözellii yapmaa , ani bizi sevindirmää»,- nışannadı başkan.
«Hava bizä engel etmeer, hepsi insan toplandı çünkü siz bilersiniz, ani iki yıl sıradan bizim Gagauziya hem bütün dünnä hazırlanȇrız Eni Yılı karşılamaa. Büün barabar isteeriz tutuşturmaa şavkları, ani görünsün bütün Gagauziya içindä, dünnedä»,- söledi spiker Dmitriy Konstantinov.
«Şükür ederim başkanı bu büük hem gözäl yortu için, kandi adımdan dileerim sizä usluluk, iilik. Hem en önemni, ani aylelerimiz raatlıkta bulunsunnar»,- Gagauziya Bakannık komiteti başı yardımcısı İlyä Uzun nışannadı.
Kutladılar yaşayannarı bu yortuylan MD Parlament deputatları da.
«Halımız yortulu. Büün burayı toplandılar diil sade Gagauziyanın yaşayannarı. Dışarda yaamur, am yortulu atmosfera engel etmeer, çünkü o yortu, angısını kurdu Başkan, verdi kolaylık halkımıza duymaa yortuyu»,- MD Parlament deputatı Aleksandr Suhodolskiy nışannadı.
«Herzaman şaşȇrız-sizin yortularınız pek gözäl geçerlär Eni Yıl çan aacın açılışında bulunȇrız. Eminim, ani o bu yıl da o pek gözäl olacek»,- MD Parlament deputatı Regina Apostolova sayȇr.
«Dilerim hepsinä saalık. Ko bu kış evlerdä şavk hem sıcak olsun, ko insan raat kıştan çıksın»,- MD Parlament deputatı Vasiliy Bolä dedi.
Musaafirleri sevindirdilär Eni Yılın en önemni kahramannarı da Ayaz dädusu hem Kaarcazka. Sţenadan öttülär artistlerin kutlamaları. Eni Yıl öan aacın dolayında horu oynandı. Çan aacı bir aydan zeedä kendi gçzelliinnään yaşayannarı sevindirecek.
