Komratta oktäbr ayın 28-ndän noyabr ayın 1-ndän üüredicilär için seminarlar geçer. Onnarı üürederlär, nicä buling olaylarınnan güreşmää.
Seminarın baş neeti- üüredicileri üüretmää zamannan belli etmää hem uşakların cümnesindä buling olaylarını durgutmaa, ki üürenicilerin arasında zorlatmaklar olmasınnar, uşaklar da raat üürensinnär.
«Biz geldik ona, ani üürenicilerin arasında buling olayları türlü boylarında var»,- Ȇmiliyä Bük Çeşmäküüyü liţey psihologu nışannadı.
Buling yada baskı. Bu fenomenın uzun istoriyası. Psiholog Dana Likiy söleer, ani bulung olayları, angıları bitki vakıt zeedelenerlär, uşakların ilerlemesinä hem insan olmak proţesindä belli ediler.
«Bunun için problemaya dooru lääzım yaklaşmaa, inceli em profesional tarafından»,- Dana Likiy psiholog söleer.
Gagauziyanın üüretmäk kurumnarından psihologlar uşakları korumak haklarını hem onnarın aralarında zorlamak soruşlarına derindän yaklaşȇrlar. Dikkatlık doorudulu bulingın sebeplerini, formalarını hem metodlarını bulmaa.
«İslää, ani butakım olay az var, ama onnar var. Hızlıdan butakım problemaları durgutmaa islää»,- psiholog nışannadı.
«Bulinglan güreşmäk hem durgutmak metodologiyası Gagauziyanın okullarında aktiv çalıştırılȇr»,- Ȇmiliyä Bük çizgiledi.
