Komrat muniţipiya nasaatçıları kıran ayın 11 — dä geçirdilär diil sıradakı oturuşunu, angısında kabledildi ilk okumakta bücet proekti — 2025 yılına.
Muniţipiya nasaatın diil sıradakı oturuşu çeketti kabaatlıların bulmasından, nedän sora haberlendi aralık. Sebepin birisi oldu diil vakıdında materialların verilmeleri, bakılsınnar deyni soruşlar 2025 — ci yılın büceti için. Baş problemaların aralarında çalışannarın plannanmış sayısı, angısı lääzım koyulsun bucetä, Komsomolskiy sokaan yaşayannarın danışması, hep ölä o, ani harçlar diil belli, bu sırada evsiz hayvannar için pitomnik, nekadar para bu neetlerä lääzım. Nasaatçılar nışannadılar, ani lääzımnı dokumenrtleri hazırlamadılar, onnar söledilär nekadar taa hızlı verilsin informaţiya ilerletmää deyni işi. Aralıktan sora nasaatçılar baktılar soruşu, angısı baalı Komsomolskiy sokaan kvartira evin yaşayannarınnan, verilsin deyni para, örtüyu düzmäk için, nedän sora çekettillär işin sırasını.
«Komisiyada bakıldı hem da kabledildi karar. Öncä, adreslerä Lenina — 4-20 000ley, Lenina -18 — 20 000 ley, Novaya 46A 35 000 ley, Komsomolskaya 6A-35 000 ley hem da Şevçenko -28 — 35 000 ley vermää»,- annattı nasaatçı Vadim Anastasov.
Seçmenin bitkisindä kabledildi nasaatın kararı vermää taa ileri söylenmiş paraları kasabanın bücetindän. Toplantının işin süresindä nasaatçılar kararladılar erli vergilerin paasını, hem da gelirleri Komrat kasabasınına 2025-ci yılda. Onnar kaldılar hep o uurda, nesoydular bıldır. Kalmadı bakılmadık kredit soruşları da.
«2023 — cu yılda bizdä kredit borçları kurdular 235 bin ley, ama 2024 — cu yılda sa 250 bin ley. Bu yıl sa bizdä 910 bin ley kredit proţenti»,- söledi Vladimir Çeban, nasaatçı.
«Bu yıl var iki karar, alalım kredit — ilk bu 3 million ley M. Eminesku adına liţeyi için, hem da 10 miilion ley kasabada yolları tertiplemäk için . Bıldır bizdä sizinnän taa az kredit vardı. Bizdä sizinnän 7% kreditin sayısından. Bu proţentlär, angılarını biz lääzım verelim. Erlim biz onnarı taa ileri ödärsäydik, proţentlär taa az olaceklar», — nışannadı Svetlana Pometko.
Diil sıradakı oturuşta nasaatçılar ilk okumakta kablettilär büdcet proektini 2025 — ci yılına, angısı gelirlerä hem da harçlara görä kurêr 138 million 340 bin ley.
