Yaklaşȇr küçük paskellä, angısı tutulȇr büük paskellä yortusundan sora – 9 –cu günündä. Klise kalendarindä küçük paskellä yortusu bir ayırı erdä bulunȇr, çünkü bu ilk gün paskelledän sora, açän hepsi ölülär anılȇrlar. Küçük paskelleya rusçä söleniler radoniţa – sevinmelik demek, angısı tutulȇr büük paskellä aftasından sora, da bununnan teklif eder hristiannarı kahırlanmasınnar o üzerä, ani geçindilär onnarın senseleleri, ama sevinsinnär ona, ani geçtilär ölümsüz yaşamaya. Küçük paskellä — bu gün, açän hepsi ortodoks hristiannarı sevinerlär İsus Hristosun dirilmesinä, da aklılarına getirerlär raametli yakınnarını, dostlarını. Taa geniş küçük paskellä için annadȇr Komrat İoan Predteçe klisesinin izmetçisi Boba Vasiliy.
