Gagauziyanın bakannık komiteti kayıl oldu GHT karar proektinnän deputat seçimnerin günün belli etmesindä, angısınnan bakıler ilk turun geçirmesi 2025-ci yılın noyabrinin 16-da- ilk pazar günündä ondan sora nicä başıralacek GHTşindiki iş zamanı.
Gagauziya bakannık komitetinä geldi deputatlardan Mihail Jelezogludan hem Aleksandr Tarnavskiydän kanon iniţiativası belli etmää GHT seçim gününü. Tanışarak bu proektlan bakannık komitetin temsilcileri urguladılar ani onu kabletmää lääızm neçin ki o işleyan kanona uyȇr, haberledi Başkan hem İspolkom işlerindä bakanıın başı İvan Kolioglo. O urugladı, ani proektin avtorları teklif ederlär GHT seçimneri 2025-ci yılın noyabrinin 16-da geçirmää.
«Alarak esaba Gagauziyanın temel kanonun 45-ci statyasını, hem Gagauziya halk topluşun reglament için kanonun birinci statyasının 4 bölümünä görä deputat seçimneri geçerlär ilk pazar günü, ondan sora nicä başıralacȇk GHTşindiki iş zamanı. Butakım, alarak esaba Gagauziyanın temel kanonun 45-ci statyasını, hem Gagauziya halk topluşun reglament için kanonun birinci statyasının 4 bölümünä görä GHT 8-ci çaarışın deputat seçimneri lääzım geçsinnär 2025-ci yılın noyabrinin 16-da, ilk pazar günü ondan sora nicä başıralacȇk GHTşindiki iş zamanı»,- İvan Kolioglo urugladı.
GHT deputatı Nikolay Ormanji sayȇr, ani Gagauziya bakannık komiotetindä yok hak son kararı vermää, neçin ki GHT kendisi kararları kabletsin lääzım.
«Siz var nasıl cuvap veräsiniz bu kararın iniţiatorlarına. Ama vermemää son kararı hem belli etmää seçimnerin gününü. GHT biler kanonnarı, orada 3 kanon var, angıları açıkleerlar nicä lääızm ayırmaa seçimnerin gününü GHT da bu yapılacek kanona görä. Onuştan bän sayerım, ani son karar bu proektä bu diil bakannık komitetin hakı. GHT lääzım belli etsin seçimnerin gününü»,- Nikolay Ormanji sayȇr.
Bakannık komitetin başın ilk yardımcısı İlya Uzun kendi bakışını bu soruşta açıkladı.
«Kanona görä bu GHT hakı, bakannık komiteti da sade kendi kararını açıklȇȇr. Bakannık komiteti karışmȇȇr GHT işinä hem hak kullanmasına»,- nışannadı İlya Uzun.
İspolkom vere kendi nasaatları ama onnarı var nasıl yapmamaa, nışannadı üstiţiya bakannıın başı Pötr Manol: «Üstiţiya bakannıı hep ölä kendi kayılıını bu karara verdi. Bizä o geldi GHT başın adından.çıkış karar- nasaat gibi da onu var nicä yapmamaa».
Soruşun açıklamasından sora bakannık komitetin azaları kayıl oldular kabletmää GHT karar proektini deputat seçimnerin gün belli etmesindä. Da seçimnerin ilk turu lääzım 2025-ci yılın noyabrinin 16-da geçsin.
