Kıpçak hem Kazayak küülerindä Gagauz Avtonomiyasının kurucularına ödüllär verildilär.
Üüsek notalamak uurunda medalileri kablettilär Kıpçak küüyün yaşayannarı, kim büük iz braktı gagauz halkın istoriyasında — Gagauz Avtonomiyasının kurulmasında.
«Biz isteeriz yaşamaa birliktä,usluluk olsun, hepsi olsun islää,biz birini çok görmeeriz, ama bizä da köstek koymayın»,- nışannadı Semön Dragan, veteran.
«30 yıl Gagauziyaya» medalilerini kablettilär Kazayak küüyün yaşayannarı. Nışannandı, ani o yıllarda gagauz halkı gösterdi kendi birliini hem kuvedini.
«Herbir insan lääzım elindän ne geler yapsın, ani yaşasın bizim kultura, bizim dilimiz savaşêrız islää olsun . İsteerim geeri kalmayalım, ilerleyelim, yıl yıldan taa kaavileşelim»,- sayȇr Fedora Dukal, veteran.
Bakannık komitetin adından kutlamak laflarını söledi Bakannık komiteti başı ilk yardımcısı Ilya Uzun: «Açan biz ödülleri vereriz, insannarın gözlerindä yaşları göreriz, sevinmelik göreriz. O bir saymak o kişilerä, kim artık yok bu dünnedä, hem veterannara, kim yaşêêr. Biz büük sıcaklıklan hem sevinmeliklän burada kutladık veterannarı Bakannık komitetin hem Halk topluşun adından».
Hep ölä Kazayak küüyün yaşayanı, istoriya üüredicisi Födor Kılçık 30 yıl Gagauziyaya medalidän kaarä kabletti Mihail Çakirin adına ordenını da çok yılkı çalışmaları için.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!