Komrat kasabasının Mihail Çakırın adına kolecanın yanında şoferlar karşı gelerlär zorluklarlan çıkarkana yola. Teritoriyadan, angısı poliţiya haberlerinä görä buluner kolecanın dolayında şoferlar lääzım kolversinnär hepsi yol gezmesinin pay alannarını. Ama bunu diil her keret var nasıl yapmaa neçin ki yolun görmesini kaper Kirsovo- Komrat avtobusları, angıları durgunerlar trotuarın boyunda da kaperlar görüntüyü.
Çıkarkana teritoriyadan, şoferlar lääzım baksınnar sol hem saa taraflarına da sade görüp, ani korku hem köstek yok çeketmää manövrayi. Şoferların laflarına görä bunu yapmaa herzaman yok kolaylık neçin ki marşrut avtobuslar, angılar durerlar çıkışın önündä kaperlar bir taraftakı görüntüyü da bunun için şoferlar yol durumunu ii notalayamȇȇrlar.
«Bendä sezon transpordu da yazın bän karşı geldim bu problemayalan . istärkänä çıkmaa yola bunu yapamadım neçin ki görüntü kapalıydı. Brakardılar maşınaları çiçek tükänın yanında, imek malalrı tükünın yanında trotuar boyunda, çıkmak erinin yanında. Açan sän sade çekettin gezmää bu iki keredä taa zor. Bän sayerım ani maşınaları başka erdä lääızm koysunnar».
Durumun annatması hem açıklaması için biz danıştık Komrat kasabasının primariyasına. Primar yardımcısı Viktor Baldji annattı ani bu zona diil durmak eri da o baalı dolayda bulunan teritoriyasına.
«Bizä danışmakalr gelmedilär. Ama eer gelärsäydilär da biz barabar poliţiya bakannıınnan hem kurumnan angısı cuvap eder yolda gezmekeleri için, bakacez bu işi da eer lääızmsaydı koyacez nışananrı. Kendibaşımıza görä biz bunu yapamayacez»,- Viktor Baldji annattı.
Poliţiya uzmananrın haberlerinä görä yol kurallara görä çıkarkana dolayda bulunan teritoriyadan şofer lääzım kolversin transport geçsin, da sade sora manövra yapsın. Ama barabar bununnan kurallar brakmeerlar transport dursun o erlerdä neredä yol islää görünmeer hem köstek oler gezmäk için. Kirsovo- Komrat marşrut taksinin temsilcileri angıları pasajirları götürerlär komentariyaalrı vermää istämedilär ama haberledilär ani problema göz altına alındı da çözülecek sıraya görä.