Komratta soţyal, üürenmäk, saalık hem polis bölümnerindän uzmannar toplandı. Onnar baktılar nasıl çözmää zorlatmak olaylarını, kim yardımcı var nasıl olsun.
Bu toplantı yapıldı Milli Agentlik tarafından, HIAS yardımınnan. Salık bakannıın başın yardımcısı dedi, ki seminarlär yardım eder problemayı taa ii annamaa.
«Biz yardım ederiz, bunun için kanonnarımız var, onnarın temelindä çalışêrız. Yerli bakıcılık organları, primar hem onun yardımcıları da kendi borçlarını bilerlär. Gagauziyada aylä işi zorluk kurbanlarına yardım etmek için çok ii bir merkezimiz var. Moldova Respublikasında da başka kurumlar var, orada er olarsa yerleştireriz. En başta biz uşaanın haklarını hem yaşamasını koruyêrız, ama karıları da da yalnız brakmȇêrız. Ona lääzım olan yardım — psihologik, üridik hem soţyal — biz herzaman vereriz»,- Alöna Kozar nışannadı.
Psiholog Tatyana İvanova açıkladı ne o zorluk, onun türlü formaları, peydalanmak sebepleri hem sonuçları. Hak uurunda uzman Maksim Mihaylük annattı kanonnarı hem nasıl korumaa zorlanılmış insannarı hem uşakları.
«Açan biz işideriz erli kuvetlerdän , ani bizim küyümüzdä böyle iş yok — bu dooru diil. Bizim işimiz bugün — korumak zorlanmış insannarını , vakıdında karışalım hem brakmamak ki bu zorbalık büüsün. Herbirisi kendi tarafından görüp belli etsinnär bu olayları , vakıdında haber versin ki bölä durumnаr var»,- Maksim Mihaylük annattı.
Soţial işçilär dedilär ki en önemli — vakıdında gelincä belli etmää zorlatmak olayını, esaba almaa ilk sebepleri, da vakıdında yardım etmää insannara.
Valentina Marin, supervizor, söledi: «13 yıl işimdä çok olaylar oldu, angılarında biz vakıdında bizim multidisipliner grupunnan toplayıp çıktık aylelerä. Biz en çok uşaklarlan işleeriz — var bizdä kolaylıksız insannar, ihtiarlar, ama en çok 18 yaşına kadar uşaklarlan işleeriz».
Tatyana Berova, medik asistenti, sayȇr: «Seminar pek iyi oldu. Çok yeni işlär üürendik — nasıl dooru kendini götürmää, nasıl belli etmää bölä durumnаrı. Çünkü öylä olaylar var. Şimdi taa dooru yaklaşım bu insannаra hem çok faydalı bilgi aldık».
Seminarın sonuçlarına görä, katılımcılar üürendilär nasıl belli etmää zorbalık sebeplerini , bu durumda devlet yapıları nasıl birlikte çalışsınnar hem nasıl zorlanmış insanı kanona görä korumaa.