Beşalma küüyündä D.Karaçoban adına maalenin yolunu düzmää neetlenerlär. Yaşayannara deyni bu yolun düzülmesi pek önemni, çünkü her gün buradan üzlärlän insan küüyün önemni cümnä kurumnarına giderlär. Taa derindän süjetimiz.
D.Karaçoban adına maalenin yolu beşalmalılara deyni önemni bir iştir, çünkü bu yol baalȇr küüyün dolayların birini küüyün merkezininnän, neredä çoyu cümnä kurumnarı bulunȇrlar. Sokak iki bayır arasında bulunȇr, buradan büük yaamurlarda akan sular yolu yıkayıp, şebönkayı çayıra götürerlär, nışannadı küüyü başı Valeriy Moş.
VALERİY MOŞ Beşalma küüyü primarı
“Küüyün bu payında yaşayan insannarın sayısı büük. Onuştan onun düzülmesi diil sade infrastruktura tarafından, ama cümnä lääzımnıı uurundan önemni, nışannȇȇrlar yaşayannar.
Her gün bu maaledän 100-lärlän insan geçer, kim yayan, kimisi sä transportlan. Onnarın çoyu bu yoldan küüyün merkezinä çıkȇrlar. Bu maalenin yolunu düzmäk kararını destekledilär nasaatçılar hem HT deputatı, nışannadı primar.”
VALERİY MOŞ Beşalma küüyü primarı
“Küüyün yol fondu bu yıla 1 mln.100 bin ley kurȇr. Bu finanslar etmeerlär bu proekti gerçeklemää, nışannadı Valeriy Moş.”
VALERİY MOŞ Beşalma küüyü primarı
“Beşalma küüyün yaşayannarına deyni bu yol doktora, işä, okula yada evä götürän yol. Bunun için dä bu diil sade infrastruktura proekti, ama yaşayannarın komfortuna hem korkunçsuzluuna investiţiyalar.”