Millet statistika büronun haberlerinä görä,  yaşayannarın harçları ayırılȇrlar, bakarak neredä onnar yaşȇȇrlar. Orta,  bir kişi ayda, angısı yaşȇȇr kasabada haracek yakın 6500 ley, ölä nicä küüyülerdä — yakın 3900 ley. Temayı ilerleder Polina Barbova.  

İmelik mallarına hem alkogolsuz içkilerä  orta geler yakın 40%  harç. Kasabalarda  yakın 35%, küüyülerdä sa yakın  50%. Avtonomiyanın yaşayannarı sayȇrlar, ani en ilk lääzım ekmek, süüt, yanı hem da zarzavat. İmelik mallarından sora, bir en büük harçların statyaların birisi  kalȇr  komunal harçları — onnara  geler  aylä bücetin yakın 16%.

«Ne var nasıl söleyim, ani  etişer sade harçları ödemää  hem da imelik satın almaa”.

«Harçlara, imelää — rubalar için hiç sölämeerim, neçinki etişmeer para, bukadar».

« Maasuz bendä  etişer sade imelik satın almaa, rubalar için hiç laf ta yok, neçinki bu yaşta giinersin ne var. İmeelää hem da harçlara».

Sade uşakların sayılarından iisiler gelir. Aylelerdä bir uşaklan  sayı kurȇr yakın 6 bin bir kişiya. Aylelrdä. neredä var üç uşak  hem taa zedä — yakın 3400 ley  aylenin bir kişisinä, ne yakın 43% — tan taa az.  Bakarak bunnara, aylä harçlarını lääzım örtsün  diil sade  imelik harçları, ama  üürenmeya, rubalara, transporta hem da başka hergünkü işlerä.

«Üürenmäk için pek çok para gider, imelik mallarına, bir, başka hergünkü  işlerä. Benim kocam geçindi iki yıl geeri. Biz kaldık olumnan ikimiz. Bän işleerim, ama hep okadar para etişmeer».

«Komunal harçları — pek paalı çıkȇrlar. Paranın taa zeedesi  imeliya gider. Bizdä çok uşak».

Gagauziyanın yaşayannarı hep ölä çok para harcȇȇrlar ilaçlara. 

«Pek çok para harcanȇr ilaçlara».

«Zamandaşta sade ilaçlara. Taa uşaklar da yollandırȇrlar Rusiyadan, olsun deyni yaşamaa neylän sa».  

 «İlaçlara hem da imelik mallarına, başka hiç bişeya para etişmeer».

«İmelik mallarına, rubalara, ilaçlara hem da en çok para harcȇȇrız».

Giderlär harçlar  rubalara hem  ayakkabulara, hep ölä trasporta da.  Dinenmeya,kulturaya, sportlan zanaatlanma deyni   aylelär var nasıl harcasınnar  aylä bücetin taa küçük  payını. Lääzım çizgilemää, ani kolaylıklar pek ayırılȇrlar  gelirlerin uurlarından.