Valkaneş kasabasında «Nasaatlanmak vatandaşlarlan» formatında buluşmak geçti. Kasaba parkında toplanıldılar yaşayannar, cümnä azaları hem regional kuvetlerin azaları, hep ölä da Gagauziyada cümnä kurumnarı.

Buluşmanın süresindä pay alannar baktılar birkaç soruş, angıları büünkü gündä cümnenin dikkatlıında bulunêrlar. En önemni tema, angısı acıklandı- Gagauziya Halk topluşun seçimnerin geçirilmesi. Valkaneş kasaba yaşayanı Oleg Toporaş söledi neçin oldu bölä lääzımnık bu uurda olayı geçirmää.

OLEG TOPORAŞ «111» platforma pay alanı, Valkaneş kasaba yaşayanı

«Bitkiy vakıtlar kimsey çıkmadı da insannan lafetmedi. Bu gündä bu ilk göstermäk gibi, ani lääzım yaşayannara çıkmaa, lääzım lafetmää, göstermää, annatmaa, ani insannarda olsun kolaylık bilmää hem annamaa nesoy büünkü gündä durum bizdä».

Olayda pay aldı Gagauziya Halk topluşu başı Valentin Gaidarji.

VALENTİN GAİDARJİ GHT başı

Gag. Bän geldim benim da fikirimi sölemää, seslemää insannarı, Valkaneş dolayın, ani biz çıkalım bir ideyaylan, kavga olmasın, Gagauziya hem Kişinövda kavga olmasın. Bän sanȇrım, ani biz lääzım yaşayalım burada вырезать koruyalım Gagauziyamızı».

Cümnä aktivisti Mihail Vlah dedi, ani  ne olêr şindi raatsızlık eder regionun hepsi yaşayannarını.

MİHAİL VLAH cümnä aktivisti

Gag. «Biz toplandık burada Valkaneştä, bizim bobalar çaardılar bizi, teklif ettilär. Bütün Gagauziyadan geldilär, Çadırdan,Komrattan, büün laf olacek, ani ne durumda biz yaşȇȇrız, ne olȇr bizdä».

Olayda pay alan yaşayannar kendi düşünmeklerini hem bakışlarını açıkladılar.

Gag. Biz lääzım yapalım, ani bizä islää olsun, diil kimäsaydı, ama bizä, neçin deyni kimsey bizä gelmeyecek, kimsey bizä islää yapmayacek eer biz kendimiz yapmarsaydık.

«Lääzım insannarı seslesinnär, sora o bakışlarlan gitsinnär lafetmeklerä hem açıklasınnar onu. O düşünmeklär diil ayırı diil belli kimin, ama bizim yaşayannarın seçicilerin bakışı».

«Burada lääzım insannar sölesinnär kendi lafını, hem deputatlar işitsinnär onnarı, ani öndercilär işitsinnär halkın bakışını».

Olayın kurucuları haberledilär, ani bölä buluşmakları planlanêr geçirmää Gagauziyanın başka da küülerindä hem kasabalarında.