Gagauz Erindä 2021-ci yıldan beeri Üüretim uurunda S.Topal adına grant programası işleer. Ona görä belli ediler netürlü uurlarda avtonomiyaya uzman etişmer: mediţina, ȇkonomika, üürediccilik, düzüntücülük, kultura hem başka. Bu zanaatları kabledän studentlär var nicä Bakannık komitetinä danışsınnar da grant kabletsinnär. Annaşmaya görä bu studentlär uzmannık diplomnarını kablettiktän sora Gagauz Erindä işlesinnär lääzım. Gagauziyanın kuvetleri sä bu iş erini onnara deyni mutlak kursunnar lääzım. S.Topal adına grant programası için hem ona geliştirilän eniliklär için Bakannık komiteti oturuşunda laf gitii. Temayı taa geniştän benim kolegam V.Çoban açıklayacȇk.
Üüretim uurunda S.Topal adına grant programasına diişilmeklär geliştirildilär. Butakım tamannadılar haklar hem lääzımnıklar hem Bakannık komiteti için hem garanları kabledennär için.
NATALİYA KRİSTEVA
Üüretim bakanı
«Kontrol taa sert olacȇk. Herbir taraf kendi borçları için cuvaplı olacȇk. Er grantı kabledennär kuralları bozarsalar onnar bu dokumenttä yazılı kurallara görä cezalanacȇklar».
Her yıl maasuz komissiya belli eder listeyi neredä sıralı uzmanlar, angılar Gagauz Erinä pek lääzımnı mediţina, ȇkonomika, üürediccilik, düzüntücülük, kultura hem başka uurlarda. Bu zanaatları kabledän studentlär var nicä Bakannık komitetinä danışsınnar da grant kabletsinnär. Annaşmaya görä bu studentlär uzmanlık diplomnarını kablettiktän sora Gagauz Erindä işlesinnär lääzım. Gagauziyanın kuvetleri sä bu iş erini onnara deyni mutlak kursunnar lääzım. Bu yılın listesinä görä avtonomiyaya lääzım matematika hem fizika üüredicileri, yol düzmesi uurunda uzmannar, horeograflar, rejisörlar hem kompozitorlar. En çok kvota mediţina sferasına veriler. Avtonomiyaya lääzım doktorlar, söleerlär kuvetlär.
NATALİYA KRİSTEVA
Üüretim bakanı
«Çizgileerim, ani grant programası işleer. O lääzımnı. Onun yardımınnan genç uzmannar avtonomiyada kalȇrlar hem işleerlär. Büünkü gündä bu grantı 66 student kableder. Bu sayıdan 30 kişi mediţina sferasında uzman olacȇklar, 8 üüredici olacȇklar, 3 — kultura zaametçisi, 13 — ȇkonomika uurunda üürenerlär, 12 — düzüntücülük hem infrastruktura uurlarında zanaat kablederlär».
Nataliya Kristeva çizgiledi, ani büün 8 student, angıları üüredicilik uurunda uzman olacȇklar bu grantı kablederlär.
NATALİYA KRİSTEVA
Üüretim bakanı
«Sevinmeliklän söleerim, ani bu yıl bizim okullarımızda 2 genç uzman işlemää başlayacȇklar. Onnar üürenärkenä KDU bizim grantımızı kablettilär. Şindi sä okullarımızda işleyeceklär».
Üüretim uurunda S.Topal adına grant programası Gagauz Erindä 2021-ci yıldan beeri işleer.