Üürenmäk yılı geldi, da onunnan barabar — önemni etap üürenicilerin adaptaţiyası. Üüredicilär, psihologlar hem ana — bobalar çizgileerlär , ani uşaklara lääzım yardım bizdän, angısı onnara pek lääzımnı hem önemni.
Sade uşakların adaptaţia zamanı geçsin islä, onnar için geçirerlär hertürlü treningları, annadȇrlar uşaklara, ne yapsınnar türlü durumnarda, çizgileer G.Gaidaji adına liţeyin psihologu Svetlana Kovalenko.En önemni yardım etmää gençlerä bulmaa kendini. Psiholog söleer, ani üürenicilär için yapıldılar türlü koşullar, ama açan peydalanȇr problema , yardımcı olȇrlar onu çözmää.
«Burada en önemni , lääzm sölemää anaya-bobaya , angılarda en küçük klasta uşak , ki onnar yapsınnar günün rejimını , angısına görä uşak lääzım uyusun 9 saat , zerä uşakta lääzım olsun kuvet , ki o üürensin islä. Buna hepsinä lääzım yardım . Pek önemni, ani ana-bobalar , sorsunnar uşaklarına, dil ne o kabletti , ama nesoy duyguları o kabletti bu günün içindä , var mı onda neysä eni liţeyda , ne onnara büün annattılar .Bu en önemni»,- dedi psiholog.
Üürenicilerä deyni olsun taa kolay katılmaa üürenmäk proţesinä , üürenmäk kurumunda geçirerlär maasuz treningları hem klastan dışarı dersleri. Uşaklar üürenerlär kendilerini annamaa, belli etmä kendilerini , belli edip duygularını , lafedip klasta üürenicilärlän. Kuratorlar savaşȇrlar kullanmaa nekadar taa zedä interaktiv oyunnarını , neçinki masuz bu oyunnar yardımcı olȇrlar uslandırmaa güüdeyi, ilerletmää meraklıı, nışannȇȇr özel metodik üüredicisi Praskovya Zlatova: «Örnek gibi , bendä var korku , söz tutmaa auditoriyaların önündä. Bän severim uşakları , söleer student , ama korkȇrım onnara sölemää , ani bu diil nesaydı , da onnar bendän korkaceklar. Ne biz bunun için yapȇrız , yapȇrız maasuz adımnarı , deecez , ani biz oyunnarın formasında nasaat ederiz geçirmä türlü buluşmaları , uprajneniyaları , ki uşaklar da olsunnar barabar. Bakȇrız uşakların gözlerinä , da göreriz , ani onnar bekleerlär neysä meraklı».
Ana-bobalar sayȇrlar , ani barabar üüredicilärlän var nicä psiholog gibi tutturmaa uşakları , hem yardım etmää üürenmenin başlamasında . En önemni onnarın laflarına görä korkutmamaa uşakları şkolaylan. Lääzım onnarlan lafetmää yavaş hem pozitiv, ki uşak şkolaya gitsin diil korkuylan , ama büük meraklıklan.
«Herzaman lääzım onnarlan pozitiv lafetmää , diil lääzım korkutmaa , ki te bölä kendini kullan . Diil lääzım uşakları korkutmaa , diil lääzım korksunnar şkoladan , üüredicilerdän , yada eni dostlardan . Deyecez , ani erlim o gittiysidi ilk sıra ilk klasa. Lääzım uşaklarlan lafetmää bu tema için , ki onnar korkmasınnar , bän ölä sayȇrım»,- söledi psiholog.
Üüredicilär çizgileerlär: adaptaţia proţesinä herzaman lääzım vakıt , da hertürlü yaş gruppalarında — o geçer türlü — türlü. Ama aylenin hem üüredicilerin tutturmalarınnan uşaklar duyȇrlar kendilerini taa ii, da hazır kabletsinnär eni bilgileri.