KDU-nä Türkiye Devletindän Delegaţiya geldi. Buluşmakta pay aldı Türkiye devletin uneversitetlerindän 30-dan zeedä profesor, üüredici hem studentlär. Olayın baş neeti – halklararası birliini düzmää, ilişkileri ilerletmää, üürenmäk işlerinnän paylaşmaa hem universitetlerin arasında dostluu kavitletmää.
Türkiyedän gelän delegatiya tanıştı Komrat Devlet Universitetinin işlerinnän , üürenmäk programalarınnan hem Gagauziyanın kulturasınnan hem adetlerinnän. KDU rektoru Sergey Zahariya çizgiledi, ani bölä buluşmaklar açêrlar eni kolaylıkları, ki barabar proektleri düzmää hem üürenmäk uurunda alış-verişleri yapmaa.
«Bizim Komrat Devlet Universitedindä geldi 30 hocamız Türkiye devlettän. Bunnar hepsicii baalı Türkiyenin universitetlarına . İnanȇrım, ani bu baalantıları devam ötää dooru da. İnanȇrım, ani birkaçı da olacek bizim profesorumuz, angıları çalışacedklar burada. Bu baalantılar bizä verer ne? Kuvet hem ileriyä dooru da bu işleri devam etmää»,- Sergey Zahariya çizgiledi.
Turkiyenin Kocaeli universitetinin profesoru, doktoru Faik Çelik çızgıledı, ani lääzım kaavitletmää ilişkileri üürenmäk hem bilim uurlarda.
«Moldovanın, Balkan, Türk kulturaları – biri-birinä çok yakın. Biz hepsimiz komuşuyuz. Bu komuşuluun baalantıını lääzım kaaviledelim. Beki Gagauziyayı, Moldovayı sevän türk halkı Gagauziyaya geldiynän bir fayda olur, ki dostluu kaaviletmää»,- Faik Çelik çizgiledi.
Delegaţiyanın pay alannarı — Türkiye universitetlerdän temsilcilär. Profesor, doktor Mehmet Tıılı açıkladı, ani musaafirlerin taa çoyuna deyni bu ilk tanışmak Gagauziyaylan hem KDU. Dolayın da sıcak kaarşılaması taa bir kerä gösterdi yaşayannarın açıklıını.
«Bu gün burada bulunmaa sevineriz. Marmara akademikleri derneeni temsil edän 32 azamızlan Gagauziyaya geldik. KDU bulunmaktan gürür duyȇrız»,- Mehmet Tıılı açıkladı.
Vizitin süresindä delegaţiya azaları Gagauziyaylan tanışȇrlar. Onnarın olacek kolaylıkları kultura hem üüretmäk kurumnarında bulunmaa. Musaafirlär açıkladılar kendi umudunu, ani bu baalantılar ilerleyeceklär diil sade ofiţial buluşmaklar uurunda, ama ikitaraflı üüretmäk programaların ilerlemesindä hem studentlik programaların gerçeklenmesindä.
Beykin Canayakın profesor, doktor söledi: « Bän Moldovada öncä dä geldim, ama burayı gelmemiştim. Pek mutluyum burada bulunmaa, hepsi dostlarımı severäk geldik, çok gözäl karşılandık, çok mutluyuz . Umutlanȇrız, ani bu luluşmak uurunda kalmayacek, ama iki taraflı baalantılar ilerlemesi için, üürenicilär için hem universitet için faydalı olur».
KDU nışannadılar, ani halklaarası partnörlarlan baalantılar üürenmäk kurumun ilerlemesinin önemni uuru. Bölä vizitlär vererlär kolaylık iş baalantılarını kurmaa, eni üüretmäk programalarını geliştirmää hem başka devletlärlän iş baalantılarını kaaviledip, ilerlemää.