Tomay küüyündä erli nasaat kolverildi. 13 nasaatçıdan kaldı sade 6. Buna getirdi o, ani küüyün primarın hem da erli kuvetlerin komissiyalarının aralarında yoktu annaşmak. Taraflar kabatlı bulȇrlar biri — birini o üzerä, ani iş gitmeer.
Tomay küüyündä erli nasaat var nasıl sölemää, ani kanona görä işlämeer. İki buçuk yılın içindä mandatlarını koydular 23 nasaatçılar, da kandidatların sayısı başarlandı, küüyün primarın Dmitriy Kiosänın laflarına görä.
Nasatçıların bir payı yoktu nicä hiç pay alsınnar, neçinki hiç bilmärdilär nesoy soruşlar işin günündä. Onnar tanışardılar günün işinnän o gün, açän oturuş geçärdi, bu söleer onu, ani yoktu nicä kabletmää n kararların proţesinä, üürenmää nesoy soruşlar olaceklar, ne komissiya kabletti, ne erli nasaatçıların fikirindä, erli öncä tanışmarsaydın. Bundan karä, bu komissiya 2,5 yılın süresindä toplanmardılar Tomay küüyün primariyasına, amma toplanardılar barlarda hem garajlarda.
Nasaatçiların başında sa Valeriy Yalamıda başka bakış duruma. Onun laflarına görä, krizis çekiler primardan kendisindän, angısı yapmazdı nasaatın kararlarını.
Ne için bölä oldu, ne için bunadan etiştik? Neçinki insan işlämeer. O sayer, ani komisiyanın işi olardı diil primariyanın yapısında. Primariya yapısında da geçirilärdi, bizi kolvermäzdilär primariyanın yapısıına. Ne için bunun için lääzım lafetmää, şindän sora geç — nasaat yoy, insan gitti, kaldı 6 kişi- bu şindän sora diil nasaat.
Primarın laflarına görä, nasaatçıların işi geçärdi her zaman ynnışlıklarlan — opoziţiya nasaatçilarını istedilär görevdän çıkarmaa baş kararları, angısına girer küüyün büdjeti da — kabledilärdilär haklara karşı.