Audiovizual nasaatı haberledi 30 telekompaniyayı hem koydu sankţiyaları 18 kompaniyaya kuralları bakmamak için, angıları baalı televizion koşullarınnan kolaylıksız insannara deyni.
Halklararası jest dilin gününnän baalı hem Halklararası prost işidän insannarın gününnän, angıları bakılȇrlar sentäbrinin 23 dä hem 27-dä, Audiovizual nasaatın azaları kendi oturuşunda kontrol etmenin çıkışlarını baktılar , nicä milli hem regional televideniyaları esaba alȇrlar kolaylıksız insannarın haklarını Audiovizual kodeksına görä hem reglamenta görä. Kontrol etmäk geçirildi 2026 yılın iyul ayın süresindä. Belliedän yannışlıklar için hepsi 30 milli hem regional televizion kanallarına, angıları kontrol altında bulundular , yollanıldı haberlär kanonun karşı gitmesinä deyni. Bununnan baalı onnara verildi altı ay ondan sora nicä karar girdi kuvedä. Televideniyaların arasında GRT-da. GRT kanalı yolladı CTR kiyat, angısında nışannȇȇr, ani kompaniya savaşȇr çözmää bu soruşu bu günnerdä ki kolaylıksız insannara taa komfort olsun seslemää hem siiretmää.
ANETA GONŢA MD Televideniye hem radio nasaatın başı
“Bän annȇȇrım hem tutturȇrım onu, ani kompaniya savaşȇr bu soruşu çözmää, bu bitki vakıt duyulȇr taa sık. Bän sayȇrım, biz lääzım tutturalım bölä işleri. Laf gider devlet koşulları verän kompaniya için. Onnar halizdän koyȇrlar kuvetlerini çevirmää deyni rumın dilinä. Hem başka soruşlar da da. Onun için bän sayȇrım, ani şüpelendirmää onnarı eter.”
Nasaatın oturuşunda, 13 televizon kanalına koyuldu ceza şüpelendirmäklän. İki bin ley ceza kablettilär iki kanal, hem birär bin üç. Bakarak audiovizual kodeksına “milli hem regional mediya koşullarını verän kompaniyalar lääzım geçirsinnär jest dilinä yada subtitraları koysunnar 60 minutluk vakıda her ay. Lääzım ilerdän haberlesinnän cümneyı ne vakıt bu programmalar çıkacek, angıları kolaylıksız insannarlan baalı. Erli jest dili kullanılrsa insanın üzü hem elleri lääzım kaplasınnar ⅓ ekran payını. Erli olarsı subtitralar , onnar lääzım olsunnar ölä, ki insan okuyabilsin onnarı.