Ev çorbacılıı  Gagauziyanın çok insanı için sade gelir kaynaa diil, ama büünkü  zamanda gerçek bir aylä işi olur. İvan Meçkar uzun yıllardır tauşancılıklan  uraşêr hem kendi çorbacılıını  ilerledêr. Рergünkü iş için, hayvannarın bakması  hem kasaba yaşamasına sevgi için — bizim süjetimizdä. 

Çadır-Lunga muniţipiyasının yaşayanı İvan Meçkar  tauşamcılıklan  9 yaşından beri  uraşêr. O zamandan, ona iki tauşam verdilär , bugün onda yaklaşık 200 baş var. Kendisi söleer — bu iş tertip hem her gün dikkat isteer.  

«Bän tauşamcılıklan uşaklıktan beri zanaatlanȇrım. Bana dokuz yaşımdaykan ilk tauşam baaşladılar . O vakıt bu sade bir merak hem hobiydi. Sora yavaş-yavaş çorbacılıımı büütmää başladım, kafesler yaptım, hayvannara baktım. Zaman geçtikçä bu artık benim yaşamamın bir parçası oldu»,- İvan Meçkar  nışannadı.

Bugün çorbacılıkta — türlü çeşitlerdä tauşam var. Hayvannar için özel kafesler hazırlanmış,  em dä öncedän hazırlandı. İvanın sözlerinä görä, bu iştä en önemni— temizlik, dooru beslenmää hem dayma bakmaa onnarı. 

«Dooru  ilaçladıynan onnarı hem dooru doyurduynan onnarı, balanslı imeklär olduynan,  tauşamnarın immuniteti kaldırılȇr,  da onnar taa siirek hastalanȇrlar,  biz taa az kullanȇrız ilaç çorbacılıkta,  da kablederiz pak ekologiya tarafından lokma. Hem onnarın çeşitleri, angıları yardım ederlär zeedeletmää onnarın sayısını»,-  dedi çiftçi. 

Tauşamnarı lääzım dooru beslemää dä, kondikorma yada kuru ot. Bundan çekiler onnarın saalıkları söleer  İvan Meçkar: «Büünkü günä panayırda alaf pek paalı,  onun için büünkü günä alȇrım kondikorm granularda, en ii karar, bu balanslı korm, angısını onnar iyerlär havezlän, da taa az hastalanȇrlar».

Hayvannarın durumunu kontrol etmää,  göçenneri korumaa lääzım, — deer İvan Meçkar. Zorluklara bakmayarak, çorbacı inanȇr — ev çorbacılıı var nicä getirsin  gelirleri maasuz te onnara, kim sever kendi işini. 

«Diil lääzım ilktän düşünmää  gelirlär için, da lääzım zanaatlanmaa, da annamaa yapacam mı bän bu işi. Erli insan meraklandıysa bu işlän, da onda olȇr, ozaman var nasıl koysun işi başka uura».


İvan Meçkar için tauşamnar  yaşamanın bir parçası hem aylä adeti oldu. En önemnisi dä — kendi topraanda çalışmak hem sevdii işini   kendi evindä götürmää.

Moldovanın hem Gagauziyanın en mekalı  haberleri GRTnın Telegram kanalında!