Gagauziyada bodayların toplamak kampaniyası başladı. Avtonomiyanın çiftçileri için bu yıl en gergin, ama hep ölä en beklenän vakıt. Çadır dolayın tarlalarında tehnikanın sesi erkendän geсä geç vakıdadan susmêr. Burada çok aylık işin başa çıkarılȇr.
Halkın arasında derlär: «Vakıdında bereketi toplayacan –bodayı koruyacan, geç kalıcan – kaybedican». Bugün bu laflar Gagauziya çiftçileri için gerçektän bir yol gösterer. Avtonomiyada birinci gruppanın ekinniklerin toplamak kampaniyası başladı. Çiftçilär derlär — orak vakıdı her zaman bir ȇkzamen. Şindiki zamanda baş davaa – hava iikän bereketi kayıpsız toplamaa. İnsannar iş başında, tehnika hazırlanmış, kombaynlar tarlalardan güzlük arpayı biçerlär.