Komrat sport liţeyindä geçti  yortulu lineyka, neredä  kutladılar  spotçuları,  angıları üüsek uurda tanıttırdılar üürenmäk kurumunu haklararası  yarışmalarda serbest güreşmedä  hem  thȇkvondo yarışmalarında. Genç olannar  getirdilär liţȇyın kumbarasına  sıradakı ödülleri. 

Komratta  geçti haklararası yarışmalar  serbest güreşmedä, neredän sport liţȇyın terbiedenneri kazandılar ikinci eri komandaların aralarında.   Hergünkü sınışlar hem disţiplina  göstererlär, ani trenerların işi boşuna geçmeer, da uşaklar üüsek uurda göstererlär kendilerini. Thȇkvondoda da  üürenmäk kurumun  sportçuları getirdilär  halklarası yarışmalardan  ödülleri,  nışannadı  liţeyin  başın erinä bir vakıda çalışan  Väçeslav Dragoy: «Pek mutluyuz o başarlar için , angılarını göstererlär bizim  güreşçilär, herkeret açan bizim uşaklardan kimsä gider yarışmalara, tutturȇrız onnarı,  sevineriz  taramalara,  hepsi ii bizdä. Kutlȇȇrız onnarı, trenerı,  neçinki gider büük iş,  da thȇkvondo bizdä 10 yıl  nicä var, ama progres görüner».

Serbest güreşmedä trener  Valeriy Kuzneţov  urguladı, ani  sportçular üüsek uurda pay alȇrlar nicä devlet yarışmalarında, ölä da hakalarası, hem  ilerdä onnarda eni taramalar, angılarına onnar  hazırlanȇrlar. 

«Uşaklar gösterdilär  ii çıkışları. Bizim davamız üüsek uurda  onnarı hazırlamaa   gelecek  Moldova çempionatına. Biz umutlanȇrız , ani çoyu onnardan var nicä  kazansınnar çempion titullarını»,- Valeriy Kuzneţov  urguladı.

Serbet güreşmedä hem thȇkvondo  yarışmaların pay alannarı  gösterdilär  kaavi  tehnikayı hem oldular ii konkurent başka  sportçulara.  Onnar urguladılar, ani trenerlar  koyȇrlar büük kuvet, ki terbietmää  çempionnarı. 

«Var nicä söleyim, ani yarışmalar geçtilär meraklı,  konkurentlar kaaviydi. Bän geçirdim  5 güreş, bizim komanda  pek kaaviydi konkurent hepsinä deyni.  Neçinki bizim liţey  en iilerin birisi. Çok şükür ederiz trenerları, zerä onnarın yardımınnan  biz üüsek  çıkışlara etişeriz». 

«Bir düüşü bän tarattım, ama buna bakmadaan  bän kendimnän hodullanȇrım. Bana deyni nicä sportçuya  bu pek önemni, pay almaa bölä yarışmalarda, ki almaa eni becermek». 

«Biz çok hazırlandık. Finalda karşı geldim kaavi konkurentlan, tarattım. Düşünerim, ani lääzım taa çok pay almaa bölä yarışmalarda,  ki kazanmaa becermek».

«Bän pay aldım  Moldova çempionatında 23 yaşınadan, güreştim kazandım üçüncü eri. Yarışmalar ii geçti, şindi hazırlanȇrım  Moldova çempionatına 20 yaşınadan». 

Baba marta ayında, sportçular  pay alaceklar devlet yarışmalarında, angılarına komanda sıkı hazırlanȇr.