Moldovada güz  vakıdı, açan  memleket üzümü toplamak  ritmında yaşêêr. Üzüm baalarında sabaktan avşama kadar iş kaynêêr. Bizim  kahramanımız, anılmış sportçu Pötr Kuru, bu yıl da   üzüm toplêêr, eski dedelerdän kalan adetlerä görä ev şarabı hazırlamak için. İlerleder temayı bizim korespondentımız.

Sert karakter, demir disţiplina hem da tabeet  gitmää bitkiyadan. Pötr Kuruyu biler binnärlän insan, dünnä arenasında memleketi  tanıttırdı. Ama yarışmalar hem da hazırlıklar bitincä, o sport rubalarını iş kiyafetlerinä diiştirêr hem da bambaşka bir dünneyä — kendi üzüm baasına gidêr.

PÖTR KURU  

“Buraya gelincä, canım dinnenêr. Sınışlarda bölä yorulmêêrım, ama burada canım dinnener. Gezerim, bakȇrım — bir erdä yaprak koparêrım, bir  erdä salkımı düzelderim.”

Her çotuk onun için önemni bir yarıştan önceki sportçu gibi: özel yaklaşımı bekleer, budamaa hem da hergünkü bakım isteer. Kendi üzüm baasında Pötr hem klasik , hem da dedelerindän kalan çeşitlerini büüder, yıllardır denenmiş çeşitleri etiştirêr. Pötr Kurunun sözlerinä görä, bu yıl üzüm için en başarılı yıllardan biri oldu. 70 sotkadan o dört tondan zeedä üzüm topladı.

PÖTR KURU  şarapçı

“Bu yıl pek ii gitti, Allaha şükür. Sayıya görä dört tondan çok topladık. Ama yayan yaamurlar biraz zarar verdi. Özelliklä biyaz çeşitlerdä, ‘Kuderka’ hem da başka üzüm suyu çok aldı hem da çatlamaa başladı.” 

Fabrikalarda avtomatizaţiya hem da çelik ţısternaların kullanıldıı bir zamanda Pötr  kullanmȇȇr, türlü  himiya meteriallarını da ev şarabına katmȇȇr.  Onun maazasında üz yıl önceki gibi işlär  yapılêr. Üzüm maşınkadan  geçirilêr, sora täsk doldurulêr, hazır şıra da fıçılarda Moldova  milli içkisinä dönüşmää başlȇêr.

PÖTR KURU  şarapçı

“Bu dedelerimizin metodları, en güvenilir. Göstererim nicä eskidän yapardılar hem da nicä yapmak geçer. Tahtaları bir-birinin üstündä çapraz koymak lääzım, ki baskı her tarafta birtürlü olsun. Hemen çok sıkmak olmaz, yavaş-yavaş sıkmak lääzım. Biraz sıkarsın — bırakarsın, su aksın, sora genä biraz sıkarsın. O zaman pres da  bütün kalêr, meyva suyu da temiz çıkêr, da ona üzüm kabuu düşmeer.”

Usta için bu iş sadece bir hobi diil, köklerinä hem da dedelerin anması saygıdır. Ama bugün, komşu baaların boş kaldıını göreräk, sportçu güçlenmesini saklamȇȇr: eski el zanaatı yavaş-yavaş kaybeler, çünkü gençlär büüklerin becermeklerini  ilerletmää pek  etmȇȇrlär. 

PÖTR KURU  şarapçı

“ İsteerim gençlär bunu esaba alsınnar, çocuklar görsün hem da üürensin. Ama şimdi zaman başkaydır, onnarın başka merakları var. Onnarı topraada çalıştırmak zor, el işi şimdi pek çok kişiyi çekmeer”.

Sportta taramayı  sekundlarlan , puannar hem davaaların kararlarınnan belli ederlär. Üzüm baasında  baş arbitr — zamandır. Üzüm suyunun koyu renginä hem da ustanın inikunu gülüşünä bakınca, Pötr Kuru  en önemni yaşamak taramasını çoktan kazandı  — o kendi topraanda baasını korudu, soyunun adetlerinä inaçlı  kaldı.