Audivizual media kodeksi diişilmekleri kanon proekti kabledildi MD parlamentin oturuşun ilk okumasında avgustun 25-dä. Şindi dokument hazırlanȇr ikinci okumak için. Parlament proţedurasında bu etapta bakılȇrlar cümlelär hem yuridik doorutmakları. Mass – media parlamentin komissiyasının öndercisi hem proekt avtorların birisi Liliana Nikolaesku – Onofrey açıkladı bu diişilmeklär için , lääzımnık Evropa standartlarını geliştirmää mass-mediya kurumnar için.
LİLİANA NİKOLAESKU-ONOFREY MD Parlament deputatı
«Bu proekttä nasaaat ediler Evropa standartlarına görä cevaplıını hem da merkez kuvetlerin tutturmasını Teleradio Moldova nicä cümnä mass-mediyasını hem regionun öndercilerin cevaplıını , kurmaa deyni serbestlii GRT cümnä kompaniyasını kullanarak obyektik finanslamak sisteması için.».
GHT deputatı Aleksandr Dülger GRT cümnä kompaniyasında “Диалог в студии” programanın süresindä, haberledi, ani devletin kanoncuları diil lääzım halatlasınnar kodeksä diişilmeklerin kabledilmesindä.
ALEKSANDR DÜLGER GHT deputatı
“Biz kollegalarımıza parlamentän danışȇrız, ki alatlamasınnar kodeksin diişilmeklerinnän. Neçin mi? Neçinki diişilmeklerin birazına halizdän var er büün, ama birazını lääzım taa açıklamaa da ölä diiştirmää. Bundan kaarä GHT da neetliydi diişilmekleri kabletmää kanonda , angısı massmediayaylan baalı ”.
GHT viţe – spikerı Georgiy Leyçu habrledi, ani diil kayıl diişilmeklärlän audiovizual kodeksinä , angılarına görä nassat edildi , ani GRT cümnä kompaniyasını gözledici nasaatın azalarını ileri dooru ayıracek diil GHT , ama Moldovanın audiovizual nasaatı. Bu var nasıl getirsin ona , ani GHT var nasıl finanslamasın kompaniyayı. Bunun iiçin o söledi GRT CK «Обсуждаем вместе» programasında.
GEORGİY LEYÇU GHT viţe-spikerı
«Laf gider gagauz televizyonu için hem bir sıra eniliklär için. Bundan kaarä, Gagauziya hem GHT her yıl lääzım geçirsin onnarlan milion tutturmak için bu kompaniyayı. Siz nicä düşünersiniz, Gagauziya verecek mi para. Belli ani vermeyecek».
GRT kompaniyaya finanslamak verilmäyseydi , bu var nasıl getirsin ona , ani kompaniya kapanacek. Bölä çıkış yaptı GHT deputatı Vladimir Kısa. Bu soruş onun bakışına görä lääzım bakılsın taa derindän , ki dokumentlerin hazırlamak etapını ikinci okumak için geçsin.
VLADİMİR KISSA GHT deputatı
«Büünkü günä annaşılı, ani deputat korpusu, angısı çalışȇr bakmayacek bu soruşları. Komissiya taa ilerdän geliştirdi kendi cümlelerini. GHT oturuşunda bu soruş bakılmadı , da bu elbetki pek prost. Biz büün lääzım bunun için lafedelim, ki iş parlament grupası taa derindän hem geniştän bu soruşu açıklasın. Neçinki bu Gagauziya avtonomiyanın probleması da».
Teklif edilän proekttä bakılȇr diişilmeklär azaların kabledilmesindä da , angıları cümnä kompaniyanın öndercileri işleerlär , açıkladı GHT ȇks- deputatı hem jurnalist Ekaterina Jekova.
EKATERİNA JEKOVA GHT ȇks- deputatı hem jurnalist Gagauz Media portalında
« Bän sanȇrım, ki bu diişilmeklär, angılarınnan parlament bizi tanıştırȇr çok fayda GRT cümnä kompaniyaya getireceklär. Ozaman , sanȇrım, GRT-da olacek çok kolaylık işä deyni . Açan olmayacek gözledici nasaatı, olmayacek kim seslesin GHT-nu , angısı nasaatın azallarını ayırdı. Şindi başka türlü iş teklif ediler , onuştan sanȇrım, ani bu pek dooru».
Serbest masmedia asoţiaţıyasının başı Pötr Makovey haberledi eski kanonnarın enidän işlemesi lääzımnı için, ki mas- mediya baamsızlıını tutturmaa hem Evropa standartlarını geliştirmää.
PÖTR MAKOVEY Serbest masmedia asоţiaţıyasının başı
«Benim bakışıma görä , bu maasuz lääzımnı diişilmeklär kanonda, neçinki yaşamak diişer da zamandaş kanon , angısına görä GRT CK çalışȇr, eskidi. Bän tutȇrım aklımda, ani bän kendim da , başka ekspertlär da söledilär onun için, ani bu kanona görä verilmeyecek lääzımnı garantiyalar baamsız mass mediya işlerinä, dil sade Gagauz televizionuna , ama bütün dolayda da».
GRT CK başın işini bir vakıda götüreni Yaroslav Bulgaru , nışannȇȇr , ani kanon proektin punktları ikinci okumak için taa dikkat açıklansınnar lääzım . Onun laflarına görä ilk okumakta diildi belli ne geçirilän zaman , ne da başka aspektlar , angıları Gagauziyanın kanonunnan ayırı giderlär. Ayırı laf gider diişilmeklär için gözledici nasaatın azalları için.
YAROSLAV BULGARU «GRT» CK başın işini götüreni
«Er bizim kanonumuzda mass mediya için açık yazılı olaceydı, ani gözledici nasaatın azası lääzım yaşasın Gagauziyada, ozaman şindiki diişilmeklerdä , angıları geliştirilerlär , bu kişi var nasıl olsun Moldovanın türlü yaşamak erlerindän. Bä kendi tarafımdan , nicä kompaniyanın başı yollandırdıydım diişilmekleri da diildim kayıl bununan , neçinki sayȇrım, ani GRT bu regionun. Ama diil milli kopmaniyası, da azalar lääzım ayırılsınnar erindä ».
Lafederäk nasaat edilmiş diişilmeklär için, jurnalist , mediamenedjer hem aaraştırıcı Laf.md informaţiya portalın direktoru Vitaliy Gaydarjı hep ölä açıkladı bakışını da nışannadı, ani çekedincä diiştirmää sistemayı regionun uurunda , lääzım esaba almaa toplanılmış soruşları milli cümnä mass-mediya işindä.
VİTALİY GAYDARJI “GRT” CK ȇks-öndercisi , Laf.md informaţiya portalın başı
«Hadi söleyecez bir iş için , Evropa birliin rezolüţiyası için. Bu deţentralizaţiya , angısı lääzım gitsin herbir işlerdä, çekedip mass-mediyalardan hem öndercilerdän. Onun kuralı lääzım serbestlik olsun . Serbestlik – bu o , ki yapmaa taa ii nekadar büün var».
Ondan sora, nicä bakılaceklar Moldova audiovisual kideksına diişmeklär dokumenti çıkaraceklar seçmäk için parlamentin ikinci okumasında.